[A:196]rje 'chang gis bsgrigs pa'i snyan brgyud dang rjes su 'brel ba'i yang skong glegs bam/ tshar chen chos kyi rgyal pos bsgrigs pa'i 'dod khams dbang phyug dud sol ma'i glegs bam rnams kyi lung lag len dang bcas pa dang / 'phags pa 'jig rten dbang phyug gi rnam 'phrul rgyal sras thogs med bzang po dpal gyi bka' 'bum thor bu'i skor pusta ka gcig dang / mus chen 'khor lo sdom pa dkon mchog rgyal mtshan gyi bka' 'bum pusta ka gcig dang / kun mkhyen smra ba'i nyi ma bsod nams seng ges mdzad pa'i zab mo sngags phyogs kyi skor gyi bka' 'bum pusta ka bzhi dang / e wa~M bstan pa'i snang byed mkhas grub dpal ldan don grub kyi bka' 'bum pusta ka gcig dang bcas pa'i lung rnams gsan zhing legs par khong du chud par mdzad do/ /yang sde dge'i dbu bla grub pa'i dbang phyug chen po ngag dbang rin chen gyi drung nas/ nA ro mkha' spyod kyi byin rlabs sngon du 'gro ba'i sgo nas sngon 'gro thun mong dang thun mong ma yin pa/ bskyed rim rnal 'byor bcu gcig /rdzogs rim rtsa dbu ma/ bde ba dang 'ja' lus sgrub pa/ mkha' spyod yab yum gyi 'pho ba/ nang gi mkha' spyod sgrub pa sogs cha lag yongs su rdzogs pa'i nyams khrid zab mo shin tu zhib pa dang / chos nyid dngos su ston pa'i byin rlabs dang / rdzogs rim rtsa dbu ma che ba'i khrid dang bcas pa dang / dpal rdo rje nag po chen po gur mgon khro bcu'i rjes gnang sngon du 'gro ba'i sgo nas mkhyen brtse'i khrid yig sogs kyi steng nas gur gyi mgon po'i phyi khrid rdo rje'i brag rdzong ma/ nang gi brag rdzong drag po sngags rgod/ gsang ba'i brag rdzong sems nyid ye shes kyi 'khor lo'i rtsal 'don te nyams khrid zab mo cha lag yongs su rdzogs pa dang / gsang khrid kyi sngon du 'gro