[A:454]ba'i dod du bzang ja 'khor drug sum cu so lnga lha sa bla brang gi phyag mdzod par phul ba dang / phyag dang skor ba la sogs pa'ang ci rigs par mdzad de mdor na bsod nams kyi tshogs dbyar gyi chu gter bzhin du dar la babs par mdzad nas zla de'i dmar phyogs kyi rgyal ba gsum pa'i nyin lha ldan nas chibs bteg ste/ tshal gung thang dang / bsam yas g.ya' ma lung dang / mchims phu dang / bsam yas lhun gyis grub pa'i gtsug lag khang la sogs pa rnams dang / rtse thang dang / khra 'brug dang / yar klung skor gyi gnas yongs su rdzogs pa dang / btsan thang g.yu yi lha khang dang / bya sa lha khang la sogs pa dang / smin grol gling dang / grwa byams pa gling dang / gzhung spe shing dang / gong dkar rdo rje gdan la sogs pa de skor gyi gnas rnams dang / 'brug ra lung dang / rgyal rtse dpal 'khor chos sde la sogs pa mdor na gnas de thams cad kyi rten gsum yongs la mchod 'bul dang / dar gos gya nom pa mang po'i snyan shal dang / khyad par sku gsung thugs kyi rten rnams la/ bzang ngan dang mchog dman gyi khyad par dbyer mi btub na'ang bzheng pa po'i gang zag dang / rgyu dang tshad dang mtshan nyid kyi khyad par dang / rab tu gnas pa'i dus su ye shes kyi 'khor lo phebs pa'i ltas dang mtshan ma mthong ba'i khyad par la sogs pa'i sgo nas grags che chung du byed pa ltar/ rten gsum grags che ba phal mo cher zhal gser gsol ba dang / nye bar spyod pa'i mchod pa'i phreng ba tshar du dngar ba brgya phrag du brtsegs pa dang / 'ga' zhig tu stong phrag tu longs par mdzad pa dang / de bzhin du dgon pa de rnams kyi bla ma mtshan grags che ba rnams la dper mtshon na/ smin gling khri chen rin po che dang / gong dkar mchog