[A:523]khyab bdag bka' drin mtshungs zla ma mchis pa mkhan chen rdo rje 'chang byams pa kun dga' bstan 'dzin bkra shis grags pa'i rgyal mtshan dpal bzang po'i zhal snga nas dang / mkhas dang grub pa yongs kyi gtsug rgyan bka' drin gzhal bar dka' ba mkhan chen rdo rje 'chang rnal 'byor 'jam dpal bzang po'i zhal snga nas dang / kun mkhyen bu ston gnyis pa rdo rje 'chang rin chen blo gsal bstan skyong dpal bzang po'i zhal snga nas dang / nyams dang rtogs pa'i mthar son zhabs drung rin po che 'jam dbyangs nam mkha' rgyal mtshan la sogs pa yongs 'dzin dam pa bka' drin can rnams kyi zhabs rdul spyi bos blangs te gsung gi bdud rtsis 'tsho zhing / khyad par du'ang rtsod dus kyi thams cad mkhyen pa 'dzam gling byang phyogs kyi thub dbang gnyis pa 'jam pa'i dbyangs mkhyen brtse'i dbang po dang / gnas lnga rig pa'i mkhas pa chen po mdo sngags bstan pa'i srog shing 'jam pa'i dbyangs ngag dbang legs grub pa gnyis kyi bka' drin la brten nas phyi nang rig pa'i gnas la blo gros kyi padmo cung zad kha bye ba shAkya'i dge slong byams pa kun dga' bstan pa'i rgyal mtshan nam/ ming gzhan 'jam dbyangs smra ba'i seng ge mtsho byung dga' ba'i bshes gnyen du bod pa'am/ 'jam dpal dgyes pa'i bshes gnyen gtsug lag smra ba'i nyi ma phyogs thams cad las rnam par rgyal ba'i sde zhes kyang bgyi bas rnam g.yeng dang le lo'i gseb tshags rnams su rim gyis bris te/ rab byung bcu bzhi pa'i nang gses lcags mo bya'i lor thams cad bris zin pa yin na'ang / slar yang mkhan chen rdo rje 'chang rnam gnyis dgongs pa zhi dbyings su gzigs pa'i tshul rnams kyang kha bskangs te yongs su rdzogs par rab byung bco lnga pa'i thog ma legs sbyar gyi skad du pra bha wa zhes pa bod skad du rab byung ste rgya rtsis pas me mo yos kyi