[A:630]bcu bdun pa'i nang 'jam dbyangs dkar po'i sku mtshams bzhugs skabs nub gcig mnal lam du mi dkar po zhig gis ral gri sngo zhing dwangs pa zhig phul ba rmis/ nam mkha' la 'phyar bas 'od kyis bar snang thams cad khyab par gzigs shing / de'i rkyen gyis thugs cung zad 'jigs pa lta bu'i ngang nas mnal sad pa dang / yang dbyangs can ma dkar mo'i bsnyen sgrub skabs sgrub khang gi phyi nang thams cad me 'bar ba lta bu'i 'od kyis khyab par gzigs pa dang / de bzhin du dbyangs can ma dmar mo'i bsnyen pa'i skabs 'o ma'i mtsho chen po zhig las thogs med du gsol ba'i snang ba byung zhes bka' stsal la/ gang ltar yang rje btsun bla ma dam pa dang yi dam lha'i byin rlabs khyad par du 'phags pas de tsam nas mkhyen rab klong chen po brdol te/ nyin re la shog ldeb mda' tshad ma bcu re tsam thugs la 'dzin pa'i tshul bstan pa yin no/ /des na phyis su khang sar mkhan rin po che ngag dbang bsod nams rgyal mtshan gyis rje 'di nyid kyi drung nas dbyangs can ma dkar mo'i rjes gnang zhig gsan skabs rjes gnang grub pa dang / rje nyid kyi bka' las/ 'di sa manta shrI'i lugs kyi dbyangs can ma dkar mo de yin/ byin rlabs shin tu che/ nga rang yang 'di'i byin rlabs thob phyin chad mtshams la bsdad pas rig pa bzang du song / khyed rang yang bsnyen pa zhig gyis shig gsungs nas/ rje nyid kyis mdzad pa'i bsnyen sgrub las gsum gyi phyag dpe zhig gnang byung bas/ de 'phral rang yang bla ma'i bka' ltar bsnyen mtshams shig bgyis pas blo rig bdun 'gyur gyis che bar song zhes mkhan chen rdo rje 'chang ngag dbang bsod nams rgyal mtshan nyid kyis bdag la bka' stsal to/ yang dgung grangs nyer gnyis pa'i nang tsam la kye rdo rje'i gzhi bsnyen bzhugs skabs su bdag klu'i gnod