[A:599]pa'i tshab klu ldings zhabs drung rin po che byams pa tshul khrims phun tshogs pa sa gzhung nas bskos bzhag dang / klu ldings pa phyag rdzas nyag phra bas las 'dzin phan khang dang / khang gsar pa gnyis nas bya rgyu krig chod zin yang / klu ldings zhabs drung rin po che thugs 'dun med stabs kong yul du pheb gshis/ slar yang ngor pa spyi byes gsol ba btab pa la brten mkhan po zhal 'dzin lo shas mdzad rgyu'i zhal bzhes gnang / de nas dgung grangs nyer dgur phebs pa me mo sbrul gyi lo shar ba na byang phyogs bod kyi rgyal po gnam bskos dga' ldan pho brang ba chen pos/ bdag cag gi ston pa khams gsum gyi mgon po mkhan chen rdo rje 'chang khu dbon 'di dag sa'i steng na 'gran zla thams cad dang bral ba'i yon tan gyi phung po chen por gzigs te/ lha rdzas kyi na bza' la sogs pa chen por 'os pa'i yo byad du mas zhabs kyi padmor mngon par mchod pa dang chab cig sha dzi ni thig thi gu chi mkhan po zhes pa'i mtshan dang tham ga che chung la sogs pa stsal nas/ 'dzam gling byang phyogs gangs ri'i ra bas bskor ba'i ljongs na 'khod pa'i skye 'gro thams cad kyi 'dren pa dam par mnga' gsol ba'i dge mtshan lhun gyis grub pa rang byung bar gyur to/ /'di ni chos nyid yin te/ gang gi tshe bcom ldan 'das kyis ye shes kyi sku brnyes te khams gsum chos kyi rgyal po'i rgyal srid la mnga' mdzad pa de'i tshe na lha dang bcas pa'i 'jig rten gyi che rgu thams cad gcig tu 'dus te mchod pa'i rnam grangs mtha' yas pas mchod par gsungs pa lta bu ste/ dpal sambu Ta'i rgyud las/ gang du rig ma'i skyes bu grub pa der 'di lta bu'i phun sum tshogs pa 'byung ste/ zhes sogs nas/ tshangs