[A:104]de lta bu'i 'grigs shing byung na dgos pa gnad don che bar 'dug cing / be har la'ang gsol kha re tsam gtan nas chag mi nyan par 'dug ces bka' phebs pas mgon khang du sku lnga'i gsol kha ldeb gcig tsam bton pa dang / de nas da lta'i bar du mdzod bzhi po rnams bla ma'i bka' lung sor bzhag gis dbang lung gi rgyun btsal 'os pa rnams gsar du btsal/ gsar bsgrigs dgos rigs dge sbyong yang gcog nas de la 'bad 'bungs bton/ dpe gsar bzhengs dang spar du 'khod pa'i rtsa ba byas/ dbang lung khrid bcas rgyun yang yang spel ba'i rgyu mtshan kyang de la brten pa lags/ tshes bcu gnyis pa'i snga dror 'tshubs slong chen pos thugs khams ma bde bas mun pa'i nang du bzhugs pa'i spyan sngar byang shar phyogs ngos/ srid pa'i rgyal mo e ka dzA Ti sku mdog phyag mtshan sogs sngags srung ma spyi dang 'dra ba la/ tshem khrab lta bu kha dog ljang gu g.yu 'od 'bar ba zhig mnabs pa/ 'jigs zil dang bcas pa ja sbyor tsam mngon sum gzigs/ mun mthongs bsal nas kyang de ltar 'char ba de yis/ e chos dbyings gdod nas sogs kyi gsol mchod stsal ba de nyid yi ger btab nas tshar gcig gsungs pas 'ja' yal ba ltar song gsungs/ de'i tshes nyer gnyis nub mor 'od gsal gyi ngang la rje nyid lha sa'i bar skor du byon pa na bud med mi las 'das pa'i gzi brjid mdzes sdug chas rgyan phun sum tshogs pa zhig gis rgya man lta bu'i me tog dmar po'i sdong po chen pos bum pa bkang ba thogs nas byung ba dang 'phrad/ phan tshun ma bu lta bu'i dgyes pa chen po'i ngang gsung gleng 'ga' zhig mdzad pa'i mthar 'grogs nas jo bo rin po che'i mdun du phyin te lhan cig bod khams