[A:107]bde ba tshad med pa zhig skyes pa dang mnyam du sman btsun des sku la khril gyis 'khril byung bas/ dge slong la bud med kyis 'khyud pa gzhan gyis mthong na shin tu ngo tsha snyam nas gnong bag 'char ba'i skabs der gsang gnas 'phrad pas gsang rtsa padma'i snal ma lta bu lte ba la thug par brkyangs byung bas bde ba'i ngang tu rtog pa gzhan nub nas sku lus ri bo chen po lta bur song ba la rtsi shing nags tshal thams cad dpa' bo dpa' mo'i rang bzhin can gyis rdo rje'i rgyud dang sngags kyi sgra mu med pa zhig sgrog pa shar ba'i ngang du gsal snang de 'gags so/ /rgyal zla ba'i dkar phyogs kyi dga' ba gsum par kho bo nas brtan bzhugs phul ba'i sta gon gyi nub mor mnal lam du sde dge sa dbang dpal ldan 'chi med rtag pa'i rdo rje nyid rje nyid kyi 'khris su byis pa chung ngu'i ngang tshul gyis brtse gdung dang bcas te bzhugs 'dug pa/ re zhig nas bzhengs te brkyang phyag gsum 'tshal ba dang sbrags/ rje nyid la sku chung ngu zhig dang / shog dril zhig sprad nas sku 'di khong gis khro khog stod kyi brag sked cig nas rnyed pa khyed la phul ba yin/ yi ge 'di zhabs brtan rtsom phud yin ces gsungs pa phyag tu blangs nas mjal bas/ sku ni smad snying zho sha la/ stod klu 'jim gyi rnam pa rdo rje 'chang sked yan chod shin tu gsal ba zhig 'dug /yi ge kha phye bas/ rdo rje 'chang chen rdo rje'i rig pa 'dzin/ /'jam dpal gzhon nu 'jam dbyangs mkhyen brtse'i gter/ /pad sdong las 'khrungs padma'i rgyal tshab che/ /bskal brgyar 'tsho gzhes skal bzang grub gyur cig /ces snang / de 'phros rje nyid nas khyed kyi sku 'di gter ma yin rgyu red pas 'di mnyam shog ser i 'dug gsungs pas/ shog ser chung ngu zhig 'dug ste