[A:114]sgra sgrog cing 'tshubs kyi li li byed kyang shing thung bas yar mi sleb pa dang / lji bas mi theg pa sogs kyis skas dngos la mi phan 'dug /der mi brjid can zhig 'dug pa des 'di rnams kyis slob dpon padma'i phebs skas btsugs pa yin zer 'ur sgra chen po byed pa rer kyang / mchog gyur gling pa dang / kong sprul dang / khyed rang gsum tsam ma gtogs skas chen 'di tshugs thub pa ni su'ang mi 'dug zer ba zhig byung bas 'di la'ang go rgyu chen po zhig 'dug gsungs/ lar mnal ltas 'di 'dra'ang dgos pa'i dbang gis skabs rer zur tsam gsung ba ma gtogs rgyun du ni gtan nas bka' gnang ba'i srol mi 'dug go /yang lan cig 'od gsal dag pa'i snang char 'phags yul lta bu'i sa gzhi shin tu rgya che zhing khod snyoms pa/ spang ljongs ne'u gseng chu mtsho rnams la me tog dkar dmar sna tshogs kyis spras shing shin tu nyams dga' la yid du 'ong ba zhig tu phebs 'dug par/ rje nyid kyis gser gyi rus sbal zhig la chibs/ zhwa lu mchog sprul blo gsal bstan skyong gis seng ge dkar mo chibs/ rdzogs chen pa gzhan phan mtha' yas kyis glang chen thal dkar chibs/ gter chen mchog gyur gling pas rgya stag ngar ma chibs/ kho bo padma gar dbang gis g.yu 'brug sngon mo la zhon/ thams cad kyang he ru ka'i cha byad sha stag byas/ dpa' bo mkha' 'gro dar dang rin chen rus pa'i rgyan ldan shin tu mang po Da dril sogs phyag mtshan sna tshogs thogs pa rnams dang lhan cig rdo rje'i glu len cing gar bsgyur bas shin tu dgyes pa'i snang ba yun ring mo byung gsungs nas thugs ngo mtshar ba'i tshul mdzad/ 'di dag gi zhon pa las so so'i sprul