[A:121] brtse ba'i thugs rje bstan 'gro kun la phyogs lhung med pa'i phan pa 'ba' zhig mnga'/ nus pas kla klo gdug pa'ang zil gyis mnan par rdo rje'i lung gis bsngags na gzhan lta ci smos so/ /de ltar chos kyi yon tan lta zhog /'jig rten gyi ngos nas kyang rje nyid kyi yab de shin tu blo drang zhing ngo lkog thub pa zhig yod 'dug stabs/ sde dge'i drung yig chen mo lo nyer drug tsam du mdzad pa'i skabs/ mi bdag khrims ka tsha zhing thugs rtog ha cang rgod pas nyes chad ma byung ba'i sku drag su'ang med mod/ drung yig dam pa des kha btags kha gang tsam shor ba'i bka' bkyon kyang ma byung bas spyi mi dung gi thor tshugs can zhes thams cad kyis bsngags pa dang / rdo rje 'chang nam mkha' 'chi med/ grub chen kun bzang gzhan phan/ kaHthog ma hA paNDi ta tshe dbang mchog grub sogs kyis kyang skyes bu dam pa zhig dang mtshungs par dngos su bka' gnang ba yi ger bris pa deng dus kyang yod pas mtshon/ rje nyid kyang de'i rigs las 'khrungs pas thugs gzu bor gnas shing ha cang drang bas/ chos lugs kyi grub mtha'i khas len/ 'jig rten gyi bsam spyod legs nyes gang la'ang nye ring phyogs cha gtan med par drang po kho nar mkhyen cing / drang po kho nar gsungs pas shes ldan rnams gcig tu mgu/ 'chol bar spyod pa rnams bag za/ yid srubs kyi mthus brlabs pa'i mi srun rlangs por spyod pa rnams kyis rang mtshangs brtol ba ma bzod pas gshe skur kyang 'debs pa ni/ thig skud drang por bzhag pa na/ /ya yo can gyi sems la gzan/ /zhes pa ltar snang ngo / /gzhan yang gdul bya/ grong chog /rnyed pas rnyed pa 'tshol ba sogs ched du gtad pa ci'ang mi mdzad/