[A:13]skor bdun sogs chos rten dam rdzas mang du spyan drangs pa e spe lcogs gar dbang las 'phro gling pa/ bcu gcig pa bdud ri gnam lcags brag nas gu ru zhi drag gi skor sogs zab gter mang po'i mnga' bdag spu bo ra zhi gter ston padma rig 'dzin nam padma tshe dbang rtsal/ bcu gnyis pa zag med 'ja' tshon phug pa nas rtsa gsum 'chi med dril sgrub gtsos gter kha mang po'i mnga' bdag o rgyan chos rje gling pa bde ba'i rdo rje rtsal/ bcu gsum pa ni bka' babs chen po bdun gyi shing rta 'dren pa gangs can mkhas grub yongs kyi gtsug rgyan rje bla ma rin po che padma 'od gsal mdo sngags gling pa nyid do/ /de ltar smos pa de dag kyang la la ni dus mnyam du byon pa dang / 'ga' zhig sku tshe'i stod smad kyi snga phyi tsam yod pa dang / phal cher gcig rjes su gcig byon pa sogs tshur mthong blos dpyad par dka' ba yod kyang so skye'i rnam par shes pa snga ma 'phos nas las rlung gis phyi ma'i mngal du tshud pa lta bu las kyi dbang gis khams gsum du skye ba brgyud pa ma yin pa/ 'phags pa'i sa la bzhugs pa rnams smon lam dang snying rje'i dbang gis gcig dang du ma'i spyod yul las 'das pa'i ye shes sgyu ma'i rol pa gang la gang 'dul cir yang ston pa ni/ nam mkha'i nyi ma gcig nyid sa gzhir chu'i snod ji snyed pa de snyed du de dang 'tshams pa'i gzugs su shar ba lta bu ste/ rgyud bla ma las/ gang phyir gdul bya dag pa yi/ /chu yi snod ni thams cad la/ /bde gshegs nyi ma'i gzugs brnyan ni/ /dpag tu med pa gcig car 'char/ /ces dang / mdo sde rgyan las/ de ni gcig car la lar sgo mang brgya nas chos kyi 'khor lo dang / /la lar skye ba mi snang la lar skye bo'i spyod pa sna tshogs dang /