[A:145]mchod sogs gsar rnying gi rgyud sde mang po'i sgrub mchod kyi rgyun ji srid par 'dzugs par mdzad pa'i chas 'khor yo byad mchod rdzas gzabs spros sogs mchod pa'i sprin phung rgyun mi 'chad pa dang / gzims spyil gyi lha khang phyi nang bar khyams kun tu mar me'i phreng ba nyin mtshan rgyun chad med pa/ dri bzang gi bdug spos rgyun btul/ gzhan yang me tog gi rigs gyur/ chab gtsang ma'i mchod yon brgya tshar mang po/ zhal zas kyi phreng ba sogs dus kun tu chad bul med pa'i mchod 'bul dngos dag gtsang sbras thon pa dang / nyin bstar chags su tshogs mchod kyi rdzas bza' btung bda' dgu'i yo byad dang ldan pa re chag med/ rgyal khams bstan 'gro spyi'i don du glud bsngo re la glud rdzas dngul gyi dong tse gsum bzhi re'i rtsa ba yod pa nyin bzhin btang ba sogs gnyug mar skyong ba'i mchod sbyin gyi rigs rgya chen dang / dmigs bsal dus kyi mchod pa'ang yar mar tshes bcu'i mchod pa rgyas pa re la mar me'i phreng ba kho na'ang brgya phrag kha yar gyis mtshon tshogs kyi yo byad sogs mchod rdzas dngos dag ci rgyas/ rgyal ba'i dus chen bzhi dang / nya stong brgyad sogs la gsung chog skabs babs dang 'brel ba'i spos dang mar me brgya rtsa'i phreng ba du ma tshar du dngar ba'i mchod pa'i sprin gyi bkod pa kun tu bzang po'i smon lam las byung ba lta bu'ang lo zla bstar chags su chag 'phri med par 'du mdzad cing bsod nams kyi tshogs gsog pa'i thabs kyi sgo la gcig tu brtson par mdzad pa 'di tsam yang rgyu 'bras rten cing 'brel 'byung zab mo'i gnas la thugs kyi nges pa gzhan dring mi 'jog par 'drongs pa'i rnam thar du nges pas shes ldan rnams