[A:164]tshes bcu bzhir mnal lam du/ bla ma sa skya pa chen po sku shin tu gsal bar mjal ba'i sku 'od kyi rang bzhin gyi thugs ka'i dbus su 'od kyi gang bu shel sngon po'i mchod rten dbyibs lta bu'i stod kyi char yang dag lha dgu/ bar du dgyes rdor lha dgu/ 'og gi char phur pa gtso rkyang bcas sku dngos dang mtshungs par gsal ba'i bla ma yi dam dbyer med kyi zhal nas yang phur dang / lam 'bras kyi bskyed rdzogs snying po khyad par can stsal ba gsan/ bzhi pa mnga' bdag mar pa'i bka' brgyud kyi bka' babs brnyes pa'i tshul ni/ dgung lo nyer gcig lcags byi lo'i zla ba dgu par lho brag gsas mkhar dgu thog tu mar pa lo tsA'i sku 'dra rin po che mjal skabs mar pa dngos kyi dag snang shar/ de nub mnal lam du mar pa yin snyam pa la sku dngos mi gsal ba zhig gis/ dngos po'i gnas lugs lam dang ni/ 'bras bu skye ba'i rim pa'o/ /zhes ye shes mkha' 'gro'i rdo rje'i tshig rkang la gsung bshad mdzad pa gsan/ dgung lo nyer dgu sa sprel dbyug pa zla ba'i tshes nyer lngar gzhung spre zhing du phebs lam chibs thog nas yengs ma lam lta bu'i skabs/ mnga' bdag mar pa sku dar yol zhig mdun mkhar bzhugs nas rgyud dang gdams ngag gi snying po shlo ka gcig gsungs/ rngog chos sku rdo rje yin pa'i gsal snang lam tsam shar/ byin rlabs kyi zil chen po byung / gzhan yang snga phyi rnams su mtshur phu'i dus mkhyen phug gi sku brnyan/ phag gru 'jag spyil gyi sku 'dra rin po che/ 'bri gung skyob pa gser khang ma/ stag lung gzim skyil gyi thang pa rin po che/ ra lung gtsang pa rgya ras kyi sku 'bags khams gsum zil gnon rnams mjal skabs/ dad mos drag po res rkyen byas