[A:192]zer 'dug pa la/ rje nyid nas kyang ci dran med pa la thog mar gur drag gi sgom bzlas zhig mdzad mur dpal mgon ma ning gi skur dngos su gyur 'dug /de'ang gnas gyur nas kun thub rgyal mo sku mi tshad las 'das pa zhig tu song 'dug pas dmigs pa'i sbyor bas dgug bstim re re mdzad pa na/ dam sri gzig sogs gcan gzan/ sdig sprul sogs klu nor/ khra glag sogs 'dab chags sha zan 'jigs rung gi mgo can grangs med pa bkug nas ling chung la bstims pas re re bzhin tshad las 'das pa'i gzugs brnyan chen po srog dang bcas par gyur pa mtshon cha sna tshogs kyis bsgral/ khrag gi rgyun 'od chu ltar bab/ de dag gi sha zos/ khrang 'thung ba sogs lhag med du byas/ de 'dra re re bzhin bgyis pa'i grangs nyer bzhi rdzogs mtshams mnal sad/ dngos su'ang khrag dri snom pa sogs byung 'dug /de rjes ngos bzung med pa'i bsnyun khams kyis gsung 'gag pa sogs kyang byung 'dug pas/ de skabs bstan pa'i rim gro 'don bya sogs sgrub mkhan mang 'dug kyang don du rje 'di nyid kyi thugs rjes nag phyogs gdug pa'i tsha ngar phyed tsam zhi nas rgyal khams su bde skyid sprin bar gyi nyi ma tsam brdol bar mngon no/ /gu ru rin po ches mkha' 'gro ye shes mtsho rgyal la thugs dam snying por stsal ba mkha' 'gro gsang ba kun 'dus kyi gdams skor e gzar mo lung gi phug par sbas pa/ jo mo sman mo padma mtsho skyid la mkha' 'gro rnams kyis gter dpe dngos su sprad kyang rang gi thugs nyams su bzhes pa tsam las gzhan la spel ba'i skabs su ma babs pas slar 'dab gter du sbas/ jo mo nyid dbus gtsang gi rgyal khams rnams nyul nas phebs pa'i skabs