[A:199]kyi gces lo ma ye shes mtsho rgyal gnyis kyis dgos tshad thams cad gnang dus des ma chog pa ci yod gsungs/ nan gyis zhus par de ma thag rnal 'byor pa ral pa sku rgyab nas gtsug tor du dkris pa/ nang gos dkar po/ de steng dbang gos/ mnab gzan can zil che ba zhig tu gnas 'gyur nas bar snang la 'phag ste/ shog ser thog nas dbang lung dang spyi bor bzhag nas bka' gtad mdzad pas shog ser spyi bo nas thim snyam ngang de nang ci yod tshig don thams cad khral lam me dgongs pa byung / de nas 'di gsungs/ khyed rang gnyis kyang dkar chas re byas na legs pa red/ de snga gter ston gyi m-ing thogs mi 'dug /ming thogs dgos/ 'di la gnad chen po yod/ nged kyang sprul sku de'i skabs su dkar chas ma byas pas rten 'brel 'chug /da dus rgyun mkha' 'gro grib sel shin tu gal che gsungs nas je mthor song ba da rung cung bzhugs grogs zhus kyang nam mkha'i dbyings su thim pa dang mnal sad/ phyir nang kho bo cag la de ltar byung tshul phebs pas gtan la 'bebs thub par gsol ba btab pas/ bla sgrub/ thugs rje chen po/ phyag chen bcas 'bebs par mdzad cing dbang khrid chig rdzogs su stsal/ khyad par zab dbang thun mong ma yin pa bka' drin bskyangs te de la brten nas tshe mthar phyin pa'i lung bstan kyang stsal/ bla sgrub cha lag 'ga' zhig bzhugs par snang yang rim lus su gyur cing kho bo'i lam zab le'u bdun ma'ang bla sgrub 'di'i cha lag tu gtogs par snang / 'di'i bla sgrub yid bzhin nor bu'i lung byang las/ 'di ni rang byung padma bdag nyid kyi: thugs kyi gsang ba rmad byung dwangs ma'i bcud: sku gsum dbyer med 'od kyi snying po'i gzugs: