[A:27]sngon rabs kyi skye ba mang po 'al 'ol du dran/ gzims khang nas nang mo bzhengs te rgyab tu chab bsil la phebs skabs g.yas phyogs su ri bo dbang zhu'i ri gdong du dkar 'dzang brag ces pa'i brag dkar de'i ngos su o rgyan rin po che'i sku shin tu gsal ba zhig bzhugs pa nang re bzhin gzigs pa/ de skabs brag ngos la de 'dra zhig yod dar ba red dgongs/ phyis dpyad dus brag der sku tshab khyad par can zhig gter du bzhugs yod pa yin 'dug gsungs: mkhan chen byams pa kun dga' bstan 'dzin sa skyong sde dge'i dbu blar mdzad nas gter lung du phebs skabs dil mgor gdan 'dren zhus/ rje 'di dgung lo gsum bzhes pa ma yum gyi pang na 'tsho ba'i skabs thog mar mjal te gtsug tor rnam par rgyal ma lha dgu'i rjes su gnang ba gsan pas thugs kyi sras su 'gyur ba'i rten 'byung legs par 'grigs/ dgung lo bzhi lnga bzhes pa nas rab tu byung ba'i phyogs la shin tu dgyes shing / mdo sde rgyan las/ sbyor ba'i sngon du snying rje dang / /mos pa dang ni bzod pa dang / /dge ba yang dag spyod pa ni/ /rigs kyi rtags su shes par bya/ /zhes gsungs pa ltar theg pa chen po'i rigs sad pa'i rtags rnams dang ldan pa dang / sku rtsed kyang bla ma'i go sa bzung nas dbang bskur chos bshad la sogs pa dang / bka' 'dus chos kyi rgya mtsho'i sgrub chen mdzad pa yin gsungs nas 'jim sogs las gtor ma'i tshom bu mang po bkod/ de la shog bu dkar ser dmar po rnams kyi rgyan btags nas 'don dbyangs kho nar mdzad pa sogs byis pa phal pa'i spyod pa las 'das pas yul mi rnams kyis kyang sprul pa'i skur nges pa rnyed pa'i ngo mtshar bstan/ 'di skabs klog slob pa'i bca' ga mkhan