[A:52]gsan pa'i skabs mnal ltas gzigs pa rnams/ rje nyid kyis phyag thor bkod pa 'di lta ste/ na mo gu ru badzra satwA ya/ ye shes nyi ma nang gi dbu ma'i mkhar/ /shar ba'i mod nas bde chen grub pa'i gzis/ /mchog tu mi 'gyur padmos rgyas mdzad pa/ /khyab bdag rdo rje sems dpas dge legs mdzod/ /de la 'dir shrI badzra A ba li'i ma hA maNDa la rnams su gtor ba dang blugs pa'i bdud rtsis yid kyi utpa la kha bye ba'i tshe/ nying 'khrul gyi nges pa la ji ltar 'char ba'i rim pa mdo tsam brjod par bya ste/ dang por a dhi tiShTha'i tho rangs/ skyes bu brjid chags pa/ snum bag can/ gzugs gzhan las 'dabs 'gyur gyis che ba/ za 'og nag po'i gos lhub gyon byas pa zhig gis thog drangs skye bo'i tshogs rab tu mang pos bdag nyid la 'dud pa dang / shar phyogs nas nyi ma zhig shar ba snying gar thim/ de las slar skar ma lta bu'i nyi ma chung ngu mang po 'phro ba dang / byi'u chung ngu zhig khras ded pa srog bskyabs pa rnams byung ngo / /gnyis pa/ manydzu badzra'i tho rangs/ sngar phyin myong ba lta bu'i skyed tshal nyams dga' ba zhig tu slebs pa'i tho phyi thams cad me tog dkar po phor ba tsam rgyas pa'i shing ljon pa kho nas gang ba'i khrod nas phar spro bzhin du phyin phyin pas/ shing sdong me tog ser po rgyas pa zhig gi bsil grib tu/ ma hA u pa dhyA A nanda'i zhabs drang srong gi cha byad du bzhugs pa la mos gus lhag par 'bar nas bskor ba byas pa zhig byung / de bzhin du/ gsum par/ gangs ri o rgyan rdzong du 'dzegs pa'i lam bar thams cad shug pa'i nags stug po dang / me tog rgyas par snang / bar skabs shig thar dka' bar steng nas su yin ngo ma 'tshal bas gzan gos lta bu zhig 'phangs byung ba'i sne la zin nas phyin pas bde blag tu thar/