[A:55]me long gi rgya dpe zhig gtad nas/ cung zad khro tshul bcas/ khyod snying rul/ tshe 'dir chu 'di las brgal mi nus/ 'on kyang phyi mar dka' ba med par thar bar 'gyur ro/ /zhes zer ro/ /drug par/ bsam yas mchims phu'i kun mkhyen dri med 'od zer gyi gdung 'bum yin rgyu de'i 'khris nas phar phyin pa na/ se ba'i phung po me tog rgyas pa zhig gi khrod nas rje bla ma dhI kA sha'i zhabs kyi phyag bris yin pa'i shog dril zhig rnyed/ stod cha der tshig 'ga' zhig 'dug kyang brjed/ gsham der snyan brgyud 'chi med bcud len zur du bris pa 'di ji lta ba bzhin gda'/ der sems spro snang gis tshar kha shas klog pa blo la gsal ba byung / de mtshams rje bla ma dhI kA sha'i zhabs mjal/ 'di ltar 'dug ces zhus pas/ re zhig ci yang mi gsung / dar cig na/ de 'bar ba'i snyan brgyud zab shos shig yin/ ngas tsA rir 'gro dus bris pa yin ces phebs/ de rjes tsam du rdo rje 'dzin dbang bA gindra mjal bar 'phros zhus pas/ dgyes pa'i rnam 'gyur dang bcas thod phreng rgyan ldan zhig gnang nas/ dam tshig gtsang ba yin 'dug /ces dang / dam tshig 'di ni 'da' bar dka'/ /de bas srog bzhin gces par zungs/ /zhes gsungs pa'i snang ba byung / bdun par/ lha ldan sprul pa'i gtsug lag khang du slebs pa na/ nang skor du phyin par/ rang gi lag tu 'bras dkar gyis khengs pa'i rin po che'i za ma tog zhig 'dug pa nas 'thor bzhin du phyin pas/ sa la chags rim bzhin du me tog dkar po re re lam lam skyes/ spro snang bcas jo bo rin po che'i mdun du slebs/ der mar me brgya kong zhig spar chog byas 'dug pa'i 'khris der ngo mi 'tshal ba'i mi zhig gis/ sku zhabs kyi grub