[A:༣༤༥]ཀྱི་དྲུང་ནས་སྔ་ཕྱིར་དབུ་མ་ལུགས་ཀྱི་སེམས་བསྐྱེད་ལན་གཉིས། བྱམས་སྨོན་བཤད་ལུང་ལན་གཉིས། མཁའ་སྤྱོད་མའི་བྱིན་རླབས་དང༌། ཁྲིད་ལུང་ཡོངས་རྫོགས་ཚར་གསུམ་དང༌། ཐུགས་རྗེ་ཆེན་པོ་དང་ཕྱག་རྒྱ་ཆེན་པོ་ཟུང་འཇུག་གི་རྗེས་གནང་ཁྲིད་བཅས་ལན་གསུམ། ཐུགས་རྗེ་ཆེན་པོའི་དམར་ཁྲིད་མདོར་བསྡུས། འཇམ་དབྱངས་གང་བློ་མའི་རིག་གཏད། ཨ་ར་པ་ཙའི་རྗེས་གནང༌། ས་འཇམ་སྦག་སྒྲུབ་ཀྱི་བྱིན་རླབས་སོགས་མང་པོ་ཐོབ། མངའ་རི་ཆོས་རྗེ་ཀུན་དགའ་འཇམ་དབྱངས་ཀྱི་དྲུང་ནས། སྒྲུབ་ཐབས་ཀུན་བཏུས་པོད་བཅུ་ཙམ་གྱི་དབང་ལུང་མཐའ་དག་ཞུས། རང་ཡུལ་དུ་སླེབས། བསྙེན་སྒྲུབ་དང་དཔེ་བལྟས་སོགས་རྣམ་དཀར་གྱི་བྱ་བ་གང་འོས་བགྱིས་ཤིང༌། རང་ལོ་ཉེར་ལྔ་པའི་ཐོག་སླར་ཡང་སྡེ་དགེ་ལ་ཕྱིན། ཀུན་མཁྱེན་རྡོ་རྗེ་འཆང་མཁྱེན་བརྩེའི་དབང་པོའི་མཚན་དཔེའི་དཀྱིལ་འཁོར་མཇལ། ཆོས་མང་པོ་ཐོབ་ཅིང༌། མཁས་པ་གཞན་གྱི་དྲུང་ནས། སྤྱོད་འཇུག །སྡོམ་གསུམ། དབུ་མ་འཇུག་པ། དབུ་མ་རྒྱན་རྣམས་ཀྱི་བཤད་པ་ཉན་ཅིང༌། ཚིག་དོན་ལ་རྟོག་དཔྱོད་བགྱི་བའི་ཁུལ་བྱས། འཇམ་མགོན་བླ་མ་བློ་གྲོས་མཐའ་ཡས་ཀྱི་དྲུང་ནས། གྲུབ་ཆེན་བརྒྱད་ཅུ་རྩ་བཞིའི་སྒོ་འབྱེད་རྡོ་རྗེ་འཆང་གི་དབང༌། གྲུབ་ཐོབ་བརྒྱད་ཅུ་རྩ་བཞི་སོ་སོའི་བྱིན་རླབས། ཡི་དམ་མི་གཡོ་བ་དང༌། བཀའ་སྲུང་མགོན་པོ་ཕྱག་བཞི་པའི་རྗེས་གནང༌། གྲུབ་ཆེན་ཆོས་དྲུག་ཁྲིད། ཡིག་ཆའི་སྐོར་ཐམས་ཅད་ཀྱི་ལུང༌། མར་མི་དྭགས་གསུམ་གྱི་བླ་སྒྲུབ་དང༌། བསྲེ་འཕོ། ཆོས་དྲུག །ཕྱག་ཆེན་རྣམས་ཀྱི་ཁྲིད། འཇམ་དཀར་