[A:355]dpyad na mi brjed pa'i gzungs thob dgos rgyu lta bu 'dug pa la/ de 'dra'i re ba mi 'dug pas/ sgyu ma nying 'khrul rang yin pa 'dra/ nub gcig rmi lam du sa chen yab sras gsum chos rje dang bcas pa'i zhal slob dkar shAkya grags yin nam snyam pa shar te/ de yang nged rang gi gtor sgrom steng na rab 'byams chos rje byon 'dug pa/ thog mar nged rang la bar chad yod tshul gyi brda mang po zhig bstan byung / rjes su pad gdan gyi thad nas yig phreng zhig shar byung ba de bklag pa na/ dkar shAkya grags zer ba 'dug /de rang gi skye ba snga ma'i lung bstan pa yin pa 'dug snyam pa shar/ yang khri 'du skal bzang dgon na yod/ zas shig gi rkyen gyis bad kan shin tu thu ba zhig gis na/ de skabs rmi lam du ngor chen rdo rje 'chang gi sku zhig thal ba ltar zhig song ba rmis pas/ da res nad 'dis 'chi bar nges snyam sems zhum/ de rjes nyin gsum tsam nas nga rang gi mdun gyi nam mkhar rje rdo rje 'chang bsgoms nas gsol ba 'debs shing 'dug pa la/ ngor chen nyid gzhon nu lang tsho dar la babs pa na bza' phun sum tshogs pa can zhig mjal byung bas/ nad tshabs che yang 'chi rkyen mi byed pa'i ltas su go /yang rkyen chag che ba zhig gi skabs su/ lam 'bras bla ma brgyud pa zhig 'dug pa de'i nang nas rje btsun grags pa'i sku de zhig song ba rmis pa dang / yang rkyen gegs che ba zhig gi skabs su/ ngor gyi gser sku lha khang gi thams cad mkhyen pa dkon mchog lhun grub kyi gzims mal gyi sku 'dra