[A:359] yang yang bskul ma gnang bzhin zhal ngo ma bzlog par cung zad bris pa'o/ /rang re pha bu gnyis kyi gsang gtam 'di sus kyang mi thos pa cis kyang gal che/ mdor na rang rgyud la lung rtogs kyi yon tan mtshan nyid pa mi 'dug rung / dag sems cung zad skyes pa nas nyams len gyi gnad don 'khrul med cung zad go ba sogs dang / chos dang zang zing gis gzhan la cung zad phan thogs pa 'di rnams chos rje 'jam pa'i dbyangs dang / rdo rje nag po chen po gnyis kyi thugs rje dang byin rlabs kho na las byung ba yin snyam/ zhes gsungs pa 'di yan chad rje bla mas zhal nas gsungs shing kho bos sug bris su bgyis pa lags/ de nas bdag la skabs skabs su gsung 'phros kyi tshul du gsungs pa rnams sgro skur med par bri na/ bdag gis bla ma rin po che la nyid kyis sa dang po ma brnyes kyi bar du sgrub pa las mi grol ba'i dam bca' mdzad 'dug pas/ 'phags pa'i sa mngon du mdzad e yod nga la gsung rogs zhus tshe/ 'a 'e de 'dra yong ma song / ngas da bar sgrub par byas na grub mtha' snyogs par 'dug ste/ bstan pa la phan du re nas gzhan la chos 'chad khul byas pas bar chad byas song zhes de dus zhal gyis ma bzhes kyang don du 'phags pa'i ye shes mngon du mdzad pa ni the tshom med de/ rje nyid kyi zhal nas ngas dang por sgrub pa byed dus nyon mongs pa rags pa rang mtshan pa rgyud na yod kyang / da lta ni bag chags tsam yang mi 'dug ces gsungs shing / de'i rgyu mtshan nyams