[A:339]nyon tsha gdung 'gog pa'i thugs rje yi/ /gdugs dkar mchog gi bsil grib la brten pa'i/ /skal ldan slob ma'i tshogs rnams gsan du gsol/ /de la 'dir dus gsum sangs rgyas thams cad kyi ngo bo/ rigs dang dkyil 'khor rgya mtsho'i khyab bdag /sku drin mtshungs pa ma mchis pa/ mtshan brjod par dka' ba/ don gyi slad du mtshan nas smos na/ ngag dbang kun dga' legs pa'i 'byung gnas ye shes rgyal mtshan dpal bzang po zhes gsol ba 'di nyid ni sngon nas grub pa'i sa mthon por gshegs pa'i skyes chen dam pa zhig gdul bya'i don du bsam bzhin du snyigs ma'i dus su sum ldan rdo rje 'dzin pa'i dge slong gi gzugs su byon par nges pas 'di'i rnam par thar pa mtha' dag ni sus kyang brjod par mi nus mod/ sku tshe 'di'i rnam thar rje nyid kyi zhal gsungs ma ni/ bla ma