[A:341]la 'dug khul byas pa na/ gtor ma rnams las g.yag gi rnga rtsid 'dra ba'i spu nag po shin tu phon che ba mang po skyes/ zhal gyi gtor ma las ni spu dkar po g.yag gi rnga rtsid dkar po 'dra ba phon mang skyes/ de dus ci yang ma shes kyang / phyis su mkhan chen dpal ldan chos skyong gi rnam thar la blta dus/ khong ngor bla brang gzhung na bzhugs dus/ gtor ma rnams la spu mang po skyes tshul dang / zhal gyi be bum na dam rdzas gtor ma la spu 'dra skye ba/ chos skyong de'i sgo nas phrin las rnam pa bzhi 'grub pa'i rtags su gsungs pa yod tshul 'dug pa dang / bla ma gzhan gyi rnam thar las kyang / gtor ma la spu skye ba dang / de yang 'ja' tshon kha dog sna lnga khra khyug khyug 'dug tshul gsungs 'dug pa bzhin/ phyis su gtor ma brje dus spu de dag la nyi ma'i nang nas bltas pas 'ja' tshon kha dog sna lnga khra khyug gi yod par mthong ba 'di ni tshe rabs sngon nas las 'brel yod pa'i lha dang 'phrad pa'i rtags su 'dug /de'i ston grub pa'i dbang phyug de nyid kyi drung nas mkha' spyod ma'i byin rlabs khrid shin tu rgyas pa/ rmor chen gyi dkar chag nang bzhin gyi be bum gyi lung / de nyid du ma 'dus pa'i mkha' spyod ma'i chos skor du ma'i lung dang / bka' srung dur khrod bdag po'i rjes gnang sogs zhib rgyas thob/ de nas lo gnyis gsum bar dpe cha bri ba dang / bsnyen sgrub gang 'os bgyis/ nga chung ngu'i dus su spyir thos bsam sgom gsum dang / khyad par du bla ma la mos gus bcos ma ma yin pa yod/ ngag dbang bshad sgrub rgya mtshos bka' bkyon dang / phyag 'bebs gnang ba la khong khro