[A:344]dang / ma hA ka la khri gcig bzlas pas de nub rmi lam du/ ngor gyi gser sku lha khang du slebs 'dug pa/ de na gri gug cig dang / thod pa bzhag 'dug pas/ gri gug de lag pa g.yas pas bzung / g.yon pas thod pa bzung nas gar stabs mang po byas pa rmis pa ngo mtshar ba'i ltas su 'dug /bod la yar 'gro dus sgar pa rnams kyis bshas mang po bshas pa la nges 'byung dang / skyo shas kha tsam min pa skyes/ phyir lam yang lug 'ga' bsad pa mthong bas/ bsad bya'i sems can de rnams la snying rje bcos ma min pa skyes pa dang / phyin chad 'di 'dra'i sdig las byed pa mig gis mi mthong sar dge sbyor byed pa'i dus shig nam 'ong na snyam pa byung zhing / de rnams kyi sha khrag mthong tshe nyin zhag mang por yi ga 'gag nas/ kha zas cher za mi mos pa sogs byung bas/ gong smos dge slong gi sdom pa zhus nas bzung / sha chang gi bza' btung / phyi dro'i kha zas rnams spangs nas rim gyis/ chos gos rnam gsum dang gding ba/ lhung bzed rnams rtsol sgrub bgyis nas byin gyis brlabs te 'chang khul bgyis/ rang yul slebs ma thag bcu gcig zhal dpal mo lugs kyi smyung gnas dkar po cha brgyad gcig bsdad/ lar ngag brgya bsnyen brgya zhig la'ang stan thog gcig tu 'dug myong / de nas kyai rdor bsnyen mtshams la zhugs pas zla ba brgyad kyi khongs su bsnyen pa yongs rdzogs grub/ rang lo nyer gcig pa'i dpyid ka sde dge la phyin/ thub dbang gnyis pa 'jam dbyangs mkhyen brtse'i dbang po'i zhal dkyil mjal/ mi lus thob pa don ldan du gyur/ rje nyid