[A:103]rgyud la 'khrungs shing / snga ma la ni bsams na shes pa'i mngon shes kyang mnga' zhes thos so//
! gnyis pa zhar byung lam skor dgu ji ltar mdzad cing gsan pa'i tshul ni/ spyir bla ma 'brog mi 'di la man ngag bsam gyis mi khyab pa mnga' yang / gtsigs che zhing yongs su grags pa lam skor dgu yin pa las/ de dag slob dpon gang gis brgyud/ gang la brten nas mdzad/ bla ma 'brog mis slob dpon gang las gsan snyam na/ rnal 'byor dbang phyug gis thabs kyi rgyud kye rdo rje/ bde mchog /gdan bzhi/ ma hA mA yA/ saspu Ti la sogs pa la brten nas rdo rje bdag med ma'i bka' bzhin du lam 'bras bu dang bcas pas lam yongs su rdzogs pa'i man ngag gsal bar mdzad/ padma badzras brtag gnyis la brten nas sgrub thabs mtsho skyes brtsams/ de'i man ngag he ru ka'i bskyed pa'i rim pa zab pa'i tshul dgu/ zab pa bsnyen sgrub bzhi'i cho ga'i yan lag cha dbri ba dang bcas pa mdzad/ slob dpon klu sgrub kyis gsang 'dus mi bskyod pa'i byang chub kyi sems bya ba la brten nas byang chub sems 'grel brtsams/ de'i don mchod rten drung du sems thag gcad pa mdzad/ Dombi he ru kas lhan cig skyes grub la brten nas lhan cig skyes pa gsum gyi lam rdzogs pa mdzad/ indra bo dhis dbang yon tan rim pa la brten nas phyag rgya'i lam rdzogs pa mdzad/ tog rtse pas bsam mi khyab la brten nas bsam gyis mi khyab pa lngas lam rdzogs pa mdzad/ nag po pas o la pa ti la brten nas gtum mo lam rdzogs dang / gsang 'dus la brten nas yon po bsrang ba mdzad/ slob dpon ngag