[A:110]bzhin du yul khams bco brgyad kyi chang zad par gsol lo/ /de'i tshe rgyal po'i dbyu gu dang chu tshod la sogs pa'i rtsis thams cad 'khrugs/ mi rnams kyang gnyid kyis ra ro bar gyur to/ /de nas rgyal pos/ rnal 'byor pas nus pa bstan par shes nas nyi ma gtang bar zhus pas/ chang rin med gsungs pas/ rgyal pos chang 'tshong ma rnams la chang rin byin pas mtshan phyed du gyur to/ /de'i tshe'ang / 'jig rten 'jig rten mun par ma byed dang / /'jig rten chang la the tshom ma byed dang / /dgyes na yid kyis nyi ma gte mar 'dzud/ /utpal blangs nas chu yis ma gos pa/ /zhes pa la sogs pa'i glu blangs nas grags pa nyi ma dang mnyam par gyur to/ /de nas lho phyogs na ra pa ti'i yul na bhi me ha ra zhes bya ba na dbang phyug chen po'i lingga 'jig sdes byas pa yod/ de'i gnas na ral pa can lnga brgya gnas pa'i yul de dag thams cad phyi rol pa yin pas/ de rnams nang pa sangs rgyas kyi bstan pa la gzhug par bzhed nas/ der byon te/ de'i rgyal po la legs par sbyar ba'i skad kyis bstod pa mang po byas pas/ rgyal po mnyes nas ral pa can lnga brgya'i dpon du bcug ste mchod gnas byas nas rang gi sgrub pa snying por mdzad cing bzhugs pa'i tshe/ slob dpon gyis brgyad stong pa'i pusti la/ me tog gi phreng ba phul ba dang phyag byed cing / dbang phyug chen po'i lha rten la phyag ma byas pas/ mi thams cad the tshom du gyur te/ rgyal po la smras pas/ rgyal po na re/ ral pa can lnga brgya'i dpon yin cing / legs par sbyar ba'i skad la shin tu mkhas pa zhig lha rten la phyag mi byed pa mi srid pas khyed rang rnams phrag dog byed pa yin te 'ong zer nas ma nyan