[A:12]sogs pa'i chos mang po bsgyur zhing zhus te gtan la phab nas dam pa'i chos rnams rim gyis 'phel zhing rgyas par byas so/ /
gnyis pa ni/ dbus gtsang gi bstan pa nyams smad nas yun ring zhig na sngar dbus gtsang nas bros pa'i g.yo dge 'byung gis mkhan po/ gtsang rab gsal gyis slob dpon/ dmar shAkya mu nes gsang ston/ rgya'i hwa shang keng wang dang / kiM bag gnyis kyis kha skong byas nas mdo smad an chung gi dgon pa'ang zer ba'i dan tig shel gyi yang dgon du rab tu byung ba la bla chen mu thur dgongs pa rab gsal bya ba byung ste/ de la lo ston rdo rje dbang phyug /tshong btsun shes rab seng ge /'bring btsun rgyal ba byang chub ste gtsang pa gsum/ dbus pa klu mes 'phags pa'i shes rab ste bzhi'am/ sum pa ye shes blo gros te/ dbus gtsang gi mi lngas rab tu byung nas yar dbus gtsang du byon te rab tu byung ba mang po'i mkhan po byas/ dge 'dun gyi sde btsugs te bstan pa dar bar mdzad do/ /de'i tshe na snga ma gnyis la lo tshong gnyis/ phyi ma gnyis la 'bring sde rnams 'byung ste/ deng sang gi bar du sde pa phal che ba la lo tsho/ tshong tsho/ 'bring tsho gsum las gyes par grags so//
Contents
! gsum pa sgos su gsung ngag dar tshul la gnyis te/ bla ma bod dang rgya gar ba'i lo rgyus so//dang po la/ gsung ngag dngos kyi lo rgyus brgyud pa'i rnam thar dang bcas pa dang / zhar byung lam skor dgu ji ltar mdzad cing gsan pa'i tshul gnyis kyi/ dang po la lnga ste/ lo paN gyi rnam thar chos nod tshul dang bcas pa/ ga ya dha ra las 'phros pa'i lo rgyus/ bla ma chen po'i yon tan gyi khyad par/ slob ma'i mchog ji ltar byung ba/ de dag las gsung ngag 'phel ba'i tshul lo/ /
dang po ni/ 'ga' zhig na re/ chos rgya gar nas byung ba yin pa'i thog mar de'i lo rgyus kyang thong zer yang / bka' srol la bod kyi lo rgyus thog mar gsung