[A:112]cad birWa pas bshig gin 'dug zer ba thos pas/ bshig gis dogs nas rang rang gi lha rten gyi spyi bor sangs rgyas pa'i sku dang mchod rten la sogs pa bzhag go /de gzigs pas rang gi ming gis kyang sangs rgyas kyi bstan pa la bya ba byas par dgongs te mnyes/ de nas lho phyogs kyi rgyud de nyid na ljon dmar las byas pa'i dbang phyug chen po'i sku rten tam pa pra ti ma bya ba'i khru brgyad cu pa yod de/ de la nyin re la ma he brgya phrag re bsad cing mchod pa byed kyin yod pa/ de'i rkang pa la rdog pa gcig brgyabs nas phar 'dong gsungs pas/ de langs te phyi la khrid pa dang / mu stegs pa rnams skrag ste gsol ba btab pas/ slob dpon na re/ 'o na ra dang ma he mi gsod par 'bras chan la sogs pas mchod pa byed na gzhag /de ltar mi byed na mi 'jog gsungs pas/ de ltar khas blangs te sngar gyi sar bzhag nas dus deng sang gi bar du'ang yod gsungs/ gnas de nas shar phyogs ngos na sa ha dza de wI zhes bya ba na/ rang byung gi tri shU'u la dang / lha mo tsaNDi ka'i rang byung gi rdo sku yod pa las/ phyi rol pa'i rnal 'byor ma rnams kyis mi byung tshad der khrid pas/ rang byung gi tri shU la lkog mar zug nas 'chi/ de'i shas tshogs kyi mchod pa byed pa la/ de'i sar slob dpon dpon g.yog gsum gyis phyin pas/ rnal 'byor ma rnams kyis za bar 'dod nas tshogs khang gi nang du bos pas/ slob dpon gyis g.yog gnyis la dbugs phyir rgyur ma gzhug par nang du sdoms la sdod gsungs nas/ slob dpon nyid nang du byon pa dang / rnal 'byor ma rnams na re/ khyod kyi grogs gnyis po gar song zer/ phyi rol na 'dug gsungs pas/ 'dir khug zer/ khyed rang