[A:113]gis khug byas pas/ khong gis bos pas skad med de/ mdzub gu sug sug byas pa'i shul na tshur dbugs ngan swa swa/ dri chen 'bur 'bur byung bas rul nas 'dug zer nas log pa dang / tri shU la 'dar yed yed 'dug pa la/ slob dpon gyis thal mo brdabs pas phye mar sil song / de nas lha mo tsaNDi ka'i sku de sar sar 'dug pa la/ spyi bor thal mo zhig brgyabs te mgo bo snying ga'i bar du bying song ba rna ba nas bzung / spyi bo nas mnan te mchod rten zhig bzhag pas/ rna ba ke re yod skad/ ming yang rna 'chus lha mo zer/ der rnal 'byor ma thams cad brgyal bar gyur to/ /brgyal ba sangs pa dang / rnal 'byor ma rnams na re/ khyed nang pa sangs rgyas pa snying rje che ba yin na 'di lta bu byed pa zer ba la/ de nyid kyi phyir sems can bsad pa'i sha khrag dron mo la mchod pa ma byed byas pas/ de rnams kyis slob dpon gyi zhabs la phyag btsal zhing skyabs su song nas sangs rgyas pa'i rnal 'byor mar gyur to/ /de'i tsho ko mkhan phyir 'brangs pa de'i rgyud byin gyis brlabs shing gdams ngag rdzogs par bstan pas bdag dang nus pa mnyam par gyur pa ni Dombi pa yin no/ /de nyid shar phyogs kyi rgyal po bhi me ha ra 'dul du btang bas stag la zhon nas shar phyogs su song ngo / /de'i tshe grub thob chen po nus pa mthar thug par grags so/ /de nas lho phyogs nas 'ong ba'i ral pa can phyir 'brangs pa de dang / dpon g.yog gnyis kyis khar sa pA Nir byon nas bskor ba mdzad/ dang po rab tu byung ba nas bzung ste/ sa ra ha dza de wI btul ba'i bar du ngas bstan pa la bya ba 'di lta bu byas zhes thugs rje chen po'i spyan sngar sangs rgyas kyi bstan pa la bya ba byas pa'i