[A:115]bzhi gang du song yang rung / tshangs pa'i 'jig rten du song yang kho bo 'gro ste de rlog par byed do gsungs so/ /de nas rang gzugs bstan te slob dpon gyi zhabs la phyag btsal nas/ de bdag yin pas khyed kyis gsungs pa bzhin bdag gis bgyid do zer ro/ /slob dpon gyis 'o na dang por sangs rgyas pa'i sku bzhugs pa'i lha khang gcig bzhengs/ de'i sgo gong du nga'i gzugs shig byas/ der dge 'dun gyi sde btsugs nas dge 'dun brgya phrag gcig gi 'tsho ba sbyor/ mchod pa byed pa'i dus su dang po sangs rgyas pa'i rten la mchod/ de nas nga'i gzugs la mchod pa byas te/ de nas khyod rang gi lha rten la ma he la sogs pa mi gsod par 'bras chan dang khur ba la sogs pa'i mchod pas tshim par byed na khyod brlag par mi byed/ de ltar mi byed na brlag par byed gsungs pas/ kho na re/ sangs rgyas kyi bstan pa 'gribs shing nyams dmas nas 'gro bas da lta dge 'dun gyi sde btsugs kyang myur du zhig nas 'gro bas mchod mkhan mi 'ong / nga la mchod pa byed pa mang po 'ong bas de'i phyed slob dpon la 'bul/ bstan pa gnas kyi bar du nga'i 'dir bzhugs nas mchod gnas mdzad dgos zer bas/ slob dpon gyis de ltar zhal gyis bzhes te bzhugs/ khos dge 'dun gyi sde btsugs/ slob dpon gyi sku bzhengs/ phyi pa thams cad kyi dang por nang pa'i rten/ de nas slob dpon la mchod par byed/ de nas dbang phyug la mchod par byed de/ de nas slob ma ral pa can phyir 'brangs pa de bdag nyid dang rtogs pa cung zad mi mnyam pa mnyam par byin gyis brlabs nas/ rdo rje'i tshig rkang gnang ste/ shar phyogs su song la rdo rje theg