[A:118]la/ des tshogs sgom pa la/ des skye 'chi la dbang thob cing mngon shes rdzu 'phrul la dbang thob pa'i nyan po pa la/ des 'jam skya pa/ des mkhyen brtse'i mnga' bdag dpal ldan pa la'o/ /yang 'phags pas bla ma zhang / des dga' ldan pa kun bsod la/ des seng ge'i mtshan can la'o/ /yang bla ma zhang gis mkhyen brtse nus mthu phrin las bsam gyis mi khyab cing / dag snang la sogs pa bsam gyis mi khyab pa'i yon tan can/ bla ma bsod nams dpal la snyan brgyud bzhis gdams so/
/gnyis pa lam gyi rnam gzhag ni/ lam skor dgu po 'di dag la slob dpon drug gi dgongs pas gnad du che ba drug bzhed de/ de'ang slob dpon padma badzra'i zhal nas sangs rgyas ye shes zhabs kyi mdzad pa'i sgrub thabs kun tu bzang po las/ tha mal rnam rtog rgyun 'di ma gtogs par/ /srid pa'i sdug bsngal gzhan dag yod ma yin/ /des na de dag gzhom par bya ba'i phyir/ /thabs ni bskyed pa'i rim pa bsgom par bya/ /zhes dang / rdo rje gur las kyang / phal pa'i gnas skabs gzhom pa'i phyir/ /bsgoms pa yang dag rab tu grags/ /zhes dang / 'on kyang mi gtsang ba'i tshad sbyang bar bya ba'i phyir de bzhin gshegs pa'i sku gzugs rab tu bsgom par bya'o/ /zhes pa'i rjes su 'brangs nas/ 'khor bar skye bar byed pa srid pa'i sdug bsngal gyi rtsa ba ni tha mal gyi rnam rtog yin la/ de'i gnyen po bskyed pa'i rim pa/ lha'i nga rgyal ni dkyil 'khor yin pas bskyed pa'i rim pa bsgom pa gnad du che'o zhes bzhed/ slob dpon klu sgrub kyis/ srid pa'i sdug bsngal gyi rtsa ba nyon mongs pa yin/ de'i rtsa ba rlung yin pas/ rlung la sems brten nas rnam par rtog