[A:13]pa mi 'gal te/ bod du chos ji ltar byung ba la 'phros nas bod dang / de'i brgyud pa gang las 'ded snyam na rgya gar gyi bla ma 'di dang 'di las brgyud ces pa las 'phros nas/ rgya gar ba'i bla ma rnams kyi lo rgyus 'byung bas shin tu'ang 'brel gsungs so/ /'o na gsung ngag 'di bod du dus nam gyi tshe bla ma su las brgyud de/ bla ma gang gis 'phel zhing rgyas par mdzad snyam na/ bstan pa phyi dar gyi dus su sngon gyi rgyal blon gyis lha sa bzhengs pa'i dus su ru gnon du brtsigs pa'i g.yas ru na gtsang 'gram ru lag na gram pa rgyang / g.yon ru na khra 'brug /dbu ru na bka' tshal te/ gtsug lag khang bzhi yod pa'i chos 'khor gram pa rgyang zhes grags pa de smad kyi btsad po lde gsum gyis bdag mdzad nas yod pa la/ de'i tshe lha rtse'i lha btsun mtshed gsum bka' bgros te/ 'o cag la bla ba'i mchod gnas shig dgos par 'dug zer nas/ rgyan gong du lo ston dang tshong btsun gnyis la zhus nas lo ston gyis mkhan bu shAkya gzhon nu dang / se ye shes brtson 'grus gnyis gdan drangs nas gram pa rgyang du rgyas mkhan po/ ses slob dpon mdzad nas spyir rab tu byung ba mang po mdzad/ khyad par du gdung 'brog yul dril chen chu sde ba/ de la skya tsho dang ban tsho ba gnyis yod pa'i skya tsho ba mtshan yang mkhan slob kyi mtshan las dras te btags pa'i 'brog mi shAkya ye shes dang / stag tsho gzhon nu tshul khrims gnyis rab tu byung ste gsan sbyong mdzad du bcug go /de'i tshe mkhan slob gnyis la mkhan bu mang po yod pas thams cad bsags nas rgya gar du chos slob tu 'gro nus pa yod na/ ngas gser mang po bskur nas brdzang ngo zhes gsungs pas gzhan 'gro zer ba