[A:19]gsungs pas/ zur yang dag gi sgrub pa mdzad cing bzhugs pa'i dus su phrin gyis slebs pa dang / 'byon par chas pas/ slob ma la la na re/ dge sbyor gyi bar chad yin pas mi 'byon par zhu zer ba la/ zur na re/ 'brog mi lo tsA ba chen po yin pas gdams ngag yod nges/ sgrub pa byas kyang dngos grub 'dod pa yin/ dngos grub 'di ka yin gsungs nas byon te gser srang brgya tsam phul/ bla mas bsam mi khyab kyi gdams ngag gnang bas zur shin tu dga' ste/ bla ma chen po'i bka' drin gyis/ /a po'i sems phyogs nor du btang / /zer ro/ /der ston btsas ma'i dus yin pas ber gyi thog tu tshar ma khur nas skyel rogs byas pas/ mi kun na re/ ber phongs med de tsug ma mdzad zer ba la/ zur po che ma zad na ber mi mdzad zer skad do/ /der gser thams cad bsdoms pas gser srang lnga brgya byung ba ka To ra gcig tu blugs te paNDi ta la phul bas gser mang bas thugs ma ches par sgyu ma yin nam dgongs nas/ mang mkhar dril chen gyi mi gang mang sar gser khyer nas byon te/ 'di gser du 'dug gam/ mi 'dug dris pas/ gser du 'dug zer bas gzod yid ches te shin tu mnyes nas khyod ci dga' bar bya'i/ ci 'dod gsung / gsung ngag lhag ma yod na rdzogs pa zhig zhu byas pas/ lhag ma ma lus par byin pa yin/ da lhag ma med gsung / gzhan ci 'dod gsungs/ ci'ang mi 'dod zhus kyang / yang yang ci 'dod gsungs pas/ 'o na gtsigs 'dra gzung dgos pa yin nam snyam nas gsung ngag 'di bod du gzhan la mi gnang bar zhu ba phul bas/ bla mas gnang nas gser kun bsnams nas rgya