[A:21]te/ ses bla ma'i cha lugs byas/ bla mas sprang por brdzus te 'ongs pas thar/ se'ang bla ma la gus pa dang / sems bskyed bzang ba'i stobs kyis ma bsad par thar/ spyir yang bod du bla ma'i don du srog btang nus pa se min pa ma byung gsung / der lo paN bod du byon pas sngar gyi jo bo'i slob ma 'dra dang mjal bas ngo shes te jo bo ga ya dha rar song bas/ mai tri pa min par 'gos kyis shes pas bla mas zhal rdzun gsung 'dug byas pas/ khyod chos 'dod pa min nam/ chos ni mai tri pa las nga mkhas gsungs/ 'gos kyang chos la mgu nas bsnyen bkur yang mang du byas/ 'phags skor la sogs pa gzhung 'grel dang / kye rdo rje'i rgyud gsum la sogs pa mang du gsan cing / pa tshab tu rgyud gsum la 'gos 'gyur yang byas/ bshad nyan yang mang du byas so/ /de dus jo bo dang bla chen 'brog mi mjal bas/ bla chen gyis rje thugs dam dang 'gal bar mchi'o/ /zhes zhus pas jo bo'i zhal nas/ khyod rang la dam tshig gi nyes pa 'byung bar mchi'o/ /kho pa gzhung gi bshad pas tshim nas gdams ngag rtsad kyang mi gcod par 'dug gsungs/ sngar gyi chad po'i stobs kyis phyis kyang 'gos la gdams ngag ma gnang / 'gos kyis gser srang bdun cu tsam phul nas zhabs tog cher byas te paNDi ta rgya gar du gshegs so/ /yang dus phyis gyi jo zla ba'i 'od zer gyis stod pu hrang nas tshur spyan drangs nas byon/ bsnyen bkur dang zhabs tog cher byas shing chos mang du zhus/ de nas gyi jo'i slob ma kha rag gi gnyos lo tsA ba yon tan grags 'byung po bya bas gdan drangs nas kha rag tu byon/ de dus bla ma 'brog