[A:22]mi ni mi bzhugs/ gnyos kyis bsnyen bkur mang du byas/ chos tsam ma gsungs par bzhugs pa las/ grongs ltas byung / bsnyung nad kyis thebs pas/ nga'i bu tsha bo ri'i rtse la yod pas der skyol gsungs/ gnyos kyis ya gi na 'brog mi'i slob ma gnyis las med/ bdag cag bla ma dngos kyi slob ma lags mod/ 'dir bzhugs par zhu zhus pas/ des mi phan pa zhig yod/ nga ya gir skyol gsungs/ der thod phu na bla chen gyi slob ma sgom chen pa se rog gnyis bya ba yod pa can du byon nas bzhugs te/ jo bo'i zhal nas bu kun sgrub pa la nan tan ma chung bar bsgom dgos pa yin/ ngas rgya bod la phar 'gro tshur 'gro las sgrub pa tsam byed pa ma byung ste/ sngags pa 'chi na 'di bzhin byed pa yin gsungs te/ lus skyil krung mdzad/ rdo rje dril bu phyag tu bsnams nas 'od kyi gong bu'i 'pho ba mdzad pas/ 'od ril ma tsam zhig spyi gtsug nas 'thon te nam mkha' la song ba bar thang ba'i yul pa thams cad kyis mthong ba byung ste/ nub phyogs su song zhes kyang grags so/ /phyis se rog gnyis 'das nas khong gnyis kyi slob ma'ang yin/ nye gnas kyang yin zer ba'i 'phags pa chos snang zhes bya ba zhig la sku tshab zangs kyi mchod rten gser gtang ba zhig dang / kye rdo rje'i thang sku/ rgyud kyi rgya dpe/ rdo rje dril bu rnams gnang nas yod pa thod phur bzhugs/ de nas de'i slob ma lcags thang gi nags ston lo tsA ba bya ba sgyi chu ba'i slob ma'ang yin pa gcig la rgya dpe dang thang ka phul/ khong gis sa chen gyi drung du gsung ngag zhus pa'i yon du phul yang zer/ 'ga' zhig chos 'khor zhig la spyan drangs pas ma byon/ slob dpon rin po che byon/