[A:28]gsungs nas rgod ma dkar mo gcig /mo gos gcig /nor bu'i phreng ba gcig /khrab gcig /de rnams kyis mgos byas pa'i rin bcal nas mon grog man chad/ 'bal grog yan chad bla ma dbang bar byas nas sa skyar dgon pa btab nas bzhugs te/ sku tshe de nyid la sgrub pa dang / 'chad nyan la sogs pas sangs rgyas kyi bstan pa la bya ba rgya chen po mdzad do/ /
chu mo glang la dpal ldan sa skya btab/ /sa pho 'brug la lha khang chen mo bting / /shing mo phag gi lo 'di yar bcad la lo sum brgya nyi shu rtsa drug gda'a'o/ /sa skya btab nas lo brgyad na sa chen 'khrungs/ de dus dkon mchog rgyal po lnga bcu nga dgu bzhes so/ /sa chen dgung lo nga lnga la rje btsun 'khrungs so/ /rje btsun so drug bzhes pa'i tshe chos rje pa 'khrungs/ chos rje pa nga gsum bzhes pa'i tshe 'phags pa 'khrungs/ 'phags pa gshegs nas shing mo phag 'di yan la lo brgya dang bco lnga song gda'a'o/ /
de'i tshe yum jo mo zhang mo la bla ma kun dga' snying po 'khrungs so/ /de lta bu'i bla ma de shing pho khyi'i lo la sku 'khrungs nas chu pho rta'i lo dgung lo drug cu rtsa dgu bzhes pa'i dus su dpa' bo dang mkha' 'gro ma'i tshogs kyis bsu ba dang bcas pas rig pa 'dzin pa'i gnas su gshegs so/ /
mnga' ris pa gsal ba'i snying po ni/ yab mang yul ba'i btsun pa gcig /yum yo se mo bya ba'i khol mo gcig dang mthun nas de la bu byung bas byis pa chung ngu'i dus na yab kyis klog slob tu bcug /bslab btus zhig klog dar la gtad pas yab gzhan du byon nas log pa'i dus su khong byis pa'i gseb na 'dug pas klog mi slob par rtsed mo byed pa byas pas bslab rgyu mi 'dug gsungs/ de ci yin byas pas de thugs la byung 'dug /gzhan yang spyod phyogs dang dbu ma shar gsum du