[A:29]ming btags pa'i dbu ma'i bshad pa kun skye ba snga ma'i bag chags sad pa'i stobs kyis ma bslabs par legs par mkhyen no/ /gzhon nu'i dus nas bshad pa mdzad pas grags pa chen po byung gsung / bla chen la mtsho skyes tshar brgyad gsan/ rgyud la zin mchan zhig btab pas bla mas ston dang gsungs nas/ bstan pas 'di nga yis bya'i gsungs nas khyer/ yang gzhan zhig la btab pas bsubs gsungs/ de nas g.yam pa la bris te gshegs khar mchan du btab nas byon no/ /bla ma mnga' ris pa'i zhal nas gsang sngags la gdams ngag med na mi shes zer te bden par 'dug /ngas chos 'ga' zhig ma bslabs par shes/ gzhan tshar res mi shes pa ma byung ba la/ mtsho skyes la tshar bdun tshun chad tshar re la rtogs pa re re skye ba byung / brgyad pa la sngar dang khyad ma byung gsungs/ de ltar gzhung bshad rnams tshar nas gsung ngag zhu bar bzhed pas cha rkyen sgrub pa la kong por byon/ bsod nams chen po byung nas rta nyi shu tsam dang yo byad mang po khyer te bla chen la dbang zhus pas gnang ste/ sta gon gyi nub mo rmi lam du bla chen gyi mdzod yin zer ba mang po 'dug pa'i phyi sgo la nye shos sgo che zhing mdog skya khrig ge ba zhig gi lde'u mig khong la gtad pa rmis/ nangs par bla chen la rje la gsung ngag rin po che'i mdzod mang du mnga' bar gda' ste/ 'bangs la mi gnang bar gda' zhus pas/ ji ltar 'dug gsung / rmi lam zhus pas gdams ngag gi lde'u mig khyod la mi ster na su la ster gsungs/ 'on kyang khyod nga'i gzhung 'dzin par 'os gsungs nas rgyud gsum gyi skor rnams rdzogs par gnang / bsam mi khyab la sogs pa'i man ngag gi