[A:4]la zhi lhag sgom pa dang tshul khrims dang ldan pa mang / lung gi dus la sde snod gsum so sor spyod ba mang bar gsungs/ de la sngon skye rgu'i bdag mo rab tu byung bas lo bzhi stong 'gribs te de'i lhag ma rnams phal cher rgya gar du gnas pas sangs rgyas byon/ chos gsungs/ bka' bsdus pas bstan pa dar ba'i yul rgya gar dbus yin pas/
'od srungs kyis smras pa/ khyod kyis bsnyen bkur gsol te/ bud med rab tu byung bas bstan pa lnga brgya phrag bcu gnas pa la/ 'bras bu'i dus gcig phri ste rtags tsam 'dzin par 'gyur ro/ /zhes chos la 'jug pa'i sgo las gsungs so/ /
des na khrims gnyis ka shin tu dar bar byung ba yin zhing / dgra bcom pa dang / lan cig phyir 'ong / phyir mi 'ong / rgyun zhugs te 'bras bu bzhi thob pa dang / byang chub sems dpa' chen po rnams dang / rgyan drug dang mchog zung ste brgyad la sogs pa'i shing rta'i srol 'byed kyi mkhas pa rnams dang / gzhan yang mkhas pa dang grub pa brnyes pa'i skyes bu du ma byon nas bstan pa yun ring gnas par mdzad pa yin no/ /
gnyis pa la'ang gsum gyi/ dang po bstan pa snga dar gyi lo rgyus ni/ 'o na bstan pa de bod du ji tsam nas byung snyam na/ bod mtha' 'khob yin pas sngon khrims gnyis ka med de/ zas su ri dwags kyi sha za/ pags pa gos su gyon/ dge sdig gi bye brag gang yang mi shes shing rang dga'i sil bur gnas pas yun ring por chos kyi ming tsam yang ma byung ngo / /bod 'di gang las 'phel snyam na/ sngon rgya gar du khyab 'jug dang 'thab dka' 'gras te/ khyab 'jug gis skyabs bseng gi phyogs byas te g.yul chas pa na srid sgrub kyi kho bos nye du'i tshogs gsod mi nus