[A:36]chen po mdzad/ lo rgyus byas pas rdo rje'i tshig rkang gi smad 'bras bu'i skabs tsho khungs chod nas rta gcig phul nas zin thun byas te tshar ba'i rjes la/ jo sras na re/ a pho nga'i snying bton pa snyam byed pas/ nyid rang gi rta khyer la nga'i chos 'or cig gsung pa la/ se na re/ khyed yab sras la 'di 'dra'i lugs shig gar yod pa yin/ chos blo la zin pa de skyug tu ni mi 'dod/ ji ltar bya zer nas zhabs tog bsnan te byas/ phyis bla chen nyid la'ang legs par zhus so/ /de ltar lo bco brgyad lhag tsam gyi bar la gdams ngag rnams rim gyis gnang ste/ thams cad tshar nas de'i rjes su la lam bsdus te sgrub pa lung sbyin pa mdzad pas/ bum pa gang byo'i tshul du thams cad legs par thob ces yongs su grags so//
! gnyis pa yon tan brnyes pa'i khyad par ni/ bskyed rim la brtan pa cung zad thob/ rtsa sngags kyi sgo nas nus pa brnyes te/ mkhar chung gi klu srin mo shin tu thu ba zhig yod pa de btul nas gnas kyang gzhan du spos/ des srog snying phul te ci bsgo ba nyan cing dbang du 'dus/ des gnod pa byas nas mdze byung ba kun la phyag reg pa tsam mam phu btab pa tsam gyis sos pa byung / 'og rlung la dbang thob cing byang sems zin pas jo mo yod kyang sras la sogs pa med/ sku'i bkod pa'ang ston nus te/ mdog tu ston mo byung ba thams cad kyi gral mgo la gdan 'dren pas nyin gcig la ston mo du byung yang de rnams kyi gral mgor bla ma se re re byon gsung / mdor na gnas sbyong bzhi bcu rtsa gnyis kyi nyams thams cad skyes shing 'byongs pas phyir mi ldog pa yin gsungs so/ /
gsum pa grub pa thob pa ni/ pho