[A:38]re la za bar nus te/ rlung gi rlung spu gri stobs su gyur pa bya ba yin skad/ spu gri la'ang phyi nang gi spu gri gnyis las 'di nang dang / nang la'ang yon tan dang kha zas gcod par byed pa gnyis las/ phyi ma stobs su gyur pa yin zhes chos rje pas gsungs so/ /
mo bzhi ni/ stod mo rdo rje mtsho/ dbrad sgom ma dkon ne/ shab mo lcam gcig /'chad mo nam mkha''o/ /dang po ni/ yul mang mkhar dgra 'dul ba ste chom po zhig byung bas bu khyo bsad/ nor thams cad khyer ba'i rkyen gyis khams 'dus pa la rnying ma'i 'dre 'dul byas pas kyang ma phan par/ sdug bsngal gyin yod pa'i lo rgyus 'ga' zhig gis bla chen gyi snyan du phul bas de nga'i gam du byung na sdug bsngal de nyid lam du bsrel shes pa yin te gsungs nas zhal tshoms shig 'thon gin gda'a'o/ /de mo la smras pas/ bla chen gyi drung du 'ongs nas dbang bskur cig zhus/ gdams ngag bstan te/ rlung sems kyi rten 'brel du shes pas smyo ba sangs te/ ting nge 'dzin mang po skyes nas lus ma spangs par grub pa thob ste lho phyogs dpal gyi ri la gshegs so/ /de ni las 'phro can rang gi ngang gis khams 'dus pa bya ba yin no/ /
dbrad sgom ma ni/ mang mkhar phu'i dbrad kyi g.ya' mkhar ma ste/ khyo shi nas khams 'dus pa zhig byung nas/ bla chen gyi drung du 'ong / dbang bskur zhus/ bsam mi khyab bstan pas/ mig gi rnam shes rtogs pa yis/ /gnyis med ye shes ngo mtshar che/ /zhes pa'i tshig la brten nas/ bla ma la mos gus bsam gyis mi khyab pa skyes pas/ mu gu lung gi chos ra de nyid du zhag bdun ting nge 'dzin gcig la song ste/