[A:40] ming po bdun gyi sring gcig mo yin/ nor shin tu phyug /'phyon ma byed/ rtsa gnas bzang ba zhig yod/ de'i lo rgyus bla mas gsan te/ de na nga'i gdams ngag gi snod cig yod par 'dug gsungs pas/ mos thos te gzi g.yu mang po khyer te bla chen can du 'ong / dbang gdams ngag zhus pas gnang ste bsgoms pas/ dbang gsum pa'i lam la brten te tshe 'di la grub pa brnyes so/ /de ltar gsum gyis ni lus ma spangs par grub pa thob pa yin no/ /
'chad mo ni/ 'phan yul gyi 'gram 'phyad pa ste/ bla chen 'brog mi gnam thang dkar po na bzhugs tsa na/ bud med tho co can 'dra ba zhig byung nas chos zhus pas/ thog mar dbang rgyas pa zhig bskur/ de nas nA ro mkha' spyod kyi byin rlabs gnang ste/ de'i man ngag bskyed pa'i rim pa phag mo mkha' spyod/ rdzogs pa'i rim pa rtsa dbu ma/ thun mong gi man ngag gnod sbyin mo dbang du bsdu ba/ lam gyi cha rkyen sman chen po'i bcud len la sogs pa gnang / rlung btsan thabs su sgom pa zhig bstan te/ sgom du bcug pas 'tsho ba med nas/ dbus kyi shun brag rum bya ba'i lam gyi 'dzom cig tu lo ma'i spyil po chung chung gcig byas/ der 'gron po 'gro ba rnams las lam zan slong gin brtson 'grus drag pos nyin mtshan ngo mi shes par bsgrubs pas phag mo 'grub ste thun mong gi dngos grub rdzu 'phrul dang nus pa mngon shes byung / gnod sbyin mo dbang du 'dus pas sngar gyi drin len gyi tshul du tshur nar mar gtong skad/ de'ang yo byad ci'ang med kyang nga bzhin byas na 'di bzhin 'ong zer gyin rkyal stong re dang kham phor re klad la bskor bas de gnyis zan dang chang