[A:5]so zhes smras pa dang / khyab 'jug gis/ gang gis mi ni gsad pa dang / /gang zhig gsod par byed pa dag /dge sdig gnyis kar mi rigs te/ /gsod dang gsad pa yod min te/ /rigs dang 'dul ba phun sum tshogs/ /bram ze ba lang glang po dang / /khyi dang sme sha can dag dang / /mkhas pa rnams ni mnyam par blta/ /zhes sogs med lta'i tshig dang gzugs sna tshogs bstan pas bslus pas/ srid sgrub kyi kha lo ba khyab 'jug gis byas te/ g.yul bkyes pas 'thab dka'i rigs dpung tshogs bco brgyad dang bcas pa brlag par byas so/ /de'i tshe rU pi ni zhes bya ba'i rgyal po dpung tshogs dang bcas pas bud med kyi cha lugs su byas te kha ba can du bros nas ri kha ba can du gnas pa'i rigs la deng sang yang bod ces grags pa yin no/ /zhes lha las phul byung gi 'grel pa shes rab go chas byas pa las bshad do/ /de lta bu'i bod 'dir lha mo dri ma med pa'i 'od lung bstan pa'i mdor/ nga yongs su mya ngan las 'das nas lo nyis stong lnga brgya na bod gdong dmar gyi yul du dam pa'i chos dar bar 'gyur ro/ /zhes lung bstan pa ltar lo de tsam nas bstan pa'i dbu brnyes nas chos rgyal mes dbon gsum gyi ring la dam pa'i chos kyi dbu brnyes/ srol gtod/ dar zhing rgyas par mdzad ces deng sang gi bar du gtam du grags pa yin no/ /tshul ji ltar na lha tho tho ri gnyan btsan gyi pho brang gi steng du mdo za ma tog bkod pa/ gser gyis bris pa'i dpang skong phyag brgya pa/ gser gyi mchod rten khru gang ba/ tsintA ma Ni'i rkos phor rnams phyag rgya sgrom bu'i nang du bcug pa nam mkha' las babs nas rgyal po'i phyag tu byung ba las/