[A:44]so la byon/ de dang bral nas lo tsA ba rma chos 'bar gyi jo mo mdzad/ khong grongs nas des rkyen byas te snying rlung byung nas mthong snang la sogs pa nyams kyi mtho dman mang po dang / rtag tu byang sems 'dzag pa'i gegs byung ba la/ thams cad la gdams ngag gang che dris pas/ ding ri glang 'khor na dam pa rgya gar gdams ngag che bar thos nas dam pa'i sar byon pas/ dam pa'i zhal nas/ khyod kyis dang por bla ma la dbang bskur zhus pa'i dus su dbang yon ma phul bas lan 'dug gsungs pas/ lha rje zha mas lus longs spyod thams cad phul/ zas nor thams cad nga khyod med par bsres pa lags zhus pas/ der khyod kyis ming pos rta gcig rin du zos 'dug gsungs pas/ lha rje zha ma la rgyus med par ming po kun gyis rta gcig rin du blangs 'dug /der lha rje zha mas dam pa la bla ma grongs nas mi bdog /ji ltar bgyi zhus pas/ des bzhengs pa'i rten nam/ 'brel pa 'dra med dam/ zhabs tog gyis gsungs nas/ gnya' nang kha sde na rma yis bzhengs pa'i gnas gsar lha khang bya ba yod pa la rta gcig khal dang bcas pa dang / khrab gcig phul/ rma'i sras mo jo mo dkar yu bya ba la g.yag cig /ra thul gcig /re dmar zab bcas ma gcig phul yang zer/ phyi rten la bal po nas ganydzi ra zhig blangs nas btsugs kyang zer te/ de ltar byas pas lo gcig gi bar du nad der phan/ de nas sngar bas kyang thur song ste/ dam pa la zhus pas/ rgyal khams 'dra skor/ mdo rgyud 'dra ltos gsungs nas/ lo bdun du mtshams bcad nas mdo rgyud rnyed tshad gzigs kyang ma