[A:47]yod pa 'dra bas bzhugs nas lhag ma kun spyod par zhu byas pas/ zha ma lcam sring na re/ jo bo 'di ci gsung na/ 'bul ba'ang 'khor gsum yongs dag lan gsum byas/ byang dang ra dang chung tshun chad bskor/ jag dmar gyi gos rkyang pa re las med par phul bas grang drags nas lam du gnag gi skyibs 'jo yin 'ong / ci yod phul nas zhus/ mnyes kyang mnyes/ gdams ngag kyang ma lus par gnang / lhag ma'ang med par thag chod/ des tshim yang tshims/ lhag ma yod pa skad gsungs pa de rje zhal brdzun gsung ba yin gsungs nas/ sdod du ma nyan par song bas cung zad ma rdzogs pas 'bring du thob pa yin/ chog shes pa'i bdud bya ba yin gsungs/ gdams ngag ma rdzogs pa'i rtags su rgyu dus kyi lta ba 'khor 'das dbyer med la mi byed par lta ba sde snod dang mthun zer/ dbang chog rnal 'byor dbang phyug gi lugs la mi byed par nag po pa'i byed/ sgrub thabs bsnyen sgrub bzhis 'ching ba la mi byed par mtsho skyes la byed pas so/ /'on kyang bsgoms pas yon tan khyad par can skyes te/ thun mong gi mngon par shes pa brtan po'ang yod/ yi dam gyi lha zhal gzigs pa dang / rdzu 'phrul gyi bkod pa cung zad sprul nus pa dang / nam mkha' la skyil krung 'cha' ba dang / mkha' 'gro bran du 'khol ba la sogs pa byung ste/ bla ma zhu byas kyis kyang ci rigs par gzigs skad/ rje dgon pa ba'i zhal nas zha chung ma 'di lus ma spangs par tshe 'di nyid la grub pa thob pa yin pa la nyams dbyangs la dga' ches pas lam gyi gegs cung zad byas gsung / sngar dam pas rnga rdungs shig pa'i brda de phyis kyi 'gro phan dang grags