[A:48]pa chen po 'ong ba'i brda yin pas/ 'di las slob ma'ang mang du 'phel lo//
! gsum pa tha mar thob pa ni/ pha drug gi smad se thog sgom tsho'i dpon se sgom byang chub ye shes bya ba de las bag tsam 'phel te/ 'on kyang mngon rtogs 'bring po sbyin sreg dang bcas pa dang / bsam mi khyab la sogs pa'i gdams ngag 'ga' re las tshang ma med gsungs so/ /
gnyis pa rje dgon pa ba las ji ltar 'phel ba'i tshul ni/ rje dgon pa ba de la slob ma mang du mnga' yang gsung ngag 'di'i brgyud pa 'dzin cing grub pa brnyes pa'i slob ma mchog tu gyur pa ni sa skya pa chen po nyid yin pas de'i rnam par thar pa cung zad brjod na/ skye ba brnyes pa'i khyad par/ lung rtogs kyi yon tan ji ltar mnga' ba/ slob ma'i mchog ji ltar byung ba/ brgyud pa gnyis ji ltar 'phel tshul dang bzhis rtogs par bya ste/ de la dang po ni/ bla ma dkon mchog rgyal po dgung lo lnga bcu rtsa dgu bzhes pa chu pho spre'u la gu ra ba'i bu sring mo jo mo zhang mo la sras gcig 'khrungs pa'i mtshan kun dga' snying po zhes bya ste/ de'ang 'gro ba kun gyi yid du 'ong zhing mdzes la skyon med pa dge ba'i bshes gnyen gyi rigs can du gyur pa'o/ /de dus su re zhig chen ma phyug mo la gsang nas yod pa la/ chen ma rdo rje phyug mo na re/ nyid kyi gdung brgyud 'di chad du phongs pa yin/ zhang mo la sras yod pa de bdag la gsang ba de ma legs/ de nyid la sras yod pas chog /bdag la nor mi dgos bu'i ma la dgos pa yin gsungs nas/ sa skya'i mdun gyi mchod zhing ma gtogs pa tsho zhang mo yum sras la gtad do/ /de nas bzung ste rim gyis longs spyod dang dbang phyug phun sum tshogs par gyur nas mtho ris kyi yon tan bdun