[A:49]la mnga' mdzad pa yin no//
! gnyis pa lung dang rtogs pa'i yon tan ji ltar mnga' ba la gnyis kyi/ dang po la gnyis las/ thun mong gi yon tan ji ltar mnga' ba ni/ dang po nyid nas klog yig rtsis la byang zhing lugs kyi bstan bcos rnams dang / skyes pa bud med/ dud 'gro/ nor bu brtags pa/ sgyu rtsal/ sman dpyad/ sgra snyan dngags/ sdeb sbyor la sogs pa mkhas par gyur pas tshul lugs de dag gi sgo nas 'jig rten pa kun gyi yid tshim par mdzad pa yin no//
! gnyis pa thun mong ma yin pa'i yon tan la gnyis kyi/ dang po/ spyir gsan sbyong mdzad tshul ni/ thog ma kho nar yab las kye rdo rje'i dbang zhus te de dag gi thugs su chud pa'i chos rnams ci rigs par gsan no/ /de nas dgung lo bcu gcig lon pa la yab sku gshegs te rtsis byas pas gshegs rdzong byed pa/ phyi rten gyi 'gram 'ding ba/ gdan sa ba tshud pa rnams nyin gcig la grub na shul du phun sum tshogs pa 'ong zer nas/ yum na re/ nyid kyi yab kyang lo tsA ba dang 'brel ba'i chos 'di brdzun chung zer nas mnyes/ yab kyi slob dpon yang lo tsA ba yin pas nyid kyang lo tsA ba gcig la chos slob dgos shing / nyid chung bas 'o cag gis dgon pa mi zin pas/ gdan sa ba ri lo tsA ba la gtad pa drag zer nas/ ba ri lo tsA g.yu mkhar mo na yod pa spyan drangs te/ 'phrang brag dmar ba gnyis bsags nas chos 'khor byed pa/ phyi rten gyi 'gram 'ding ba/ ba ri ba gdan sar bkod pa rnams nyin gcig la byas te/ zhing mo che ma gtogs pa'i gzhis tsho bla ma ba ri ba la gtad de gdan