[A:52]'bul/ khong rang yang gsol/ bya 'phrang pa mjal du 'ong tsa na/ 'o cag gi mchod pa la gzhan ma dad pa skye'o gsungs nas sbed/ khong longs spyod la 'dzin pa shin tu chung ste/ gzhan gyis gser srang gang phul 'dug pa/ kha'ang ma phye bar yig cha gcig gi nang na phar khre tshur khre 'dug pa/ 'di ci lags zhus pas/ gser ram bya ba nor chen po lags so zer nas gang dgar bzhag 'dug zer/ khong grongs tsa na thams cad kyis mthong bar tshes bco lnga'i zla 'od lta bur 'dug ste/ ci yin bltas pas bla ma ni rin po che'i khri chen po gcig la bzhugs/ lha'i bu mang pos khri 'degs pa'i rin po che'i 'od du 'dug ste/ des na mkha' spyod du gshegs so/ /de nas bgres po rnams gros byas te/ da pha chos gcig rtsad gcod pa 'thad par 'dug pa la pu hrang pa gsal ba'i snying po mkhas te/ de ni gshegs/ de'i slob ma la 'khon sgyi chu ba dkon mchog 'bar mkhas kyang zer/ gdung rus kyang gcig pas khong can byon pa drag zer nas byon/ dbang bskur zhus pas sta gon gyi nub mo mnal lam du srid pa'i rgya mtsho yin zer ba'i chu bo chen po dmar mer re ba zhig la zam pa gsum 'dug pa'i chu 'gram na/ bsgral rgyu'i mi mang po 'dug pas/ nga sgrol bar zhu/ nga sgrol bar zhu zer nas/ de la bsgral bas zam pa phyi ma la mi gsum/ bar pa la bdun/ nye shos de la mang po zhig bsgral ba rmis/ cung zad bsnyel te nyi ma zhig la bsnyel gso ba snyam byed tsa na mnal sad pas/ nangs par rmi lam dris pas na 'di ltar byung zhus pas/ bla ma'i zhal nas/ khyod kyi 'khos kyis mi gsum