[A:53]las ga la sgrol zhes zhal kyal yang gsungs/ de nas kye rdor Dombi pa dang / bram ze nag po'i skor/ grub pa sde bco brgyad snying po'i skor/ phra mo nyi shu rtsa lnga yan lag dang bcas pa/ 'brog mi'i lugs kyi ma hA mA yA/ zla gsang thig le/ sangs rgyas thod pa 'grel pa dang bcas pa/ mar lugs kyi gur brtag /gdan bzhi ma hA mA yA rnams kyi bshad bka' man ngag dang bcas pa/ dbu ma rang rgyud/ bslab btus/ spyod 'jug rnams gsan no/ /de'ang khong la grwa pa brgyad cu tsam yod pa'i nang nas sa chen gyis lung rig mkhyen pa dang / 'jam dbyangs kyis rjes su bzung bas tshar re la mkhyen te/ bla mas kyang thugs gtsigs che skad do/ /de tsa na mdog stod du chos 'khor zhig la bla ma se byon zer/ bla chen de ltad mo sogs la mi dgyes kyang / bla ma se bzang po yin pa dang / chos bar yin pas sgyi chu ba'i slob ma ban chung 'ga' dang 'grogs nas byon pas/ bla ma se gral mgo na bzhugs/ 'ud mang po gsung gin gda'o/ khong gi grogs po tsho la re re nas jo sras nyid yul gang nas yin/ yon tan ci shes/ da bshad pa bya mno'am/ sgrub pa gcig bya mno zer/ bla chen la jo sras nyid gang pa yin gsungs/ bdag gram phu pha gi ba zhig yin lags byas pas/ de gang na yod/ sa skya na yod byas pas/ 'o na/ de na nga'i bla ma zhig yod pa yin te/ sku ni gshegs yod par 'dug /nga la khral 'dod pa zhig kyang ma byung / de na ba ri ba'am bya ba zhig gis bzung 'dug zer bas 'gro snying yang ma 'dod/ da de'i shul na ji ltar yod gsungs pas/ de'i bu dod cig ka bdag