[A:55]bar 'gro ba'i cha ma yin te/ 'on kyang song phod 'gro snyam tsa na ses gsungs pa bden te sku 'das/ 'gyod de bya thabs ni med/ de nas yang gnang kha'u pa can du byon nas chos gsan no/ /de nas dus ring zhig na bla ma sgyi chu ba sa skyar gdan drangs nas chos 'khor bya dgongs te nas khal sum brgya tsam dang cha rkyen mang du bsgrubs/ slob ma 'ga' yang bsdus nas yod tsa na/ bla ma sgyi chu ba bsnyungs nas bla chen la shog gsungs pa byung nas byon pas ma slebs par ma mjal/ bla mas khyod rang rab tu byung la 'khon tsho'i sde 'di skyongs gsungs pa'i gsung bzhag nas sku gshegs te/ sgyi chu ba'i gdan sa bla chen la gtad/ de'i rjes kyi bya ba rnams tshar nas sa skyar byon te/ bla ma'i gsung sgrub pa'i ched du rab tu byung dgongs nas/ na bza' ser chas bsgrubs pas/ bla ma gnang kha'u pas gsan te/ shog gsungs nas byon pas/ khyed ser chas bsgrubs nas ci byed gsungs/ rab tu byung ba lags byas pas/ ma byed gsungs/ bla ma sgyi chu ba'i gsung yin byas pas/ bla ma mnyam po la khong gshin po'i kha chems pas nga gson po'i ngag la nyon/ rab tu ma byung na 'gro phan che ba zhig yong pa yin gsungs nas ma gnang / rab tu byung ba ma gnang yang 'khon tsho'i dpon ni mdzad/ de nas bla ma sgyi chu ba de bla ma mal gyi slob ma yin pas sgyi chu ba'i bde mchog gi phyag dpe rnams bsnams nas gung thang na la rtse gnas gsar du byon te/ bla ma mal la bde mchog gi rtsa ba'i rgyud cha lag dang bcas pa/ pha na phing gu ba dang / lo chen rin chen bzang po/ jo bo rje/ ma hA dza na dang / sa ra he ta