[A:60]kyi gleng slong mdzad pas/ rje bla ma nyid la rgyud gsum po thugs la shin tu byang bar bzhugs pas lan btab pas 'or che/ shin tu go bcad nas 'dug gsungs nas mnyes skad/ rje'i zhal nas/ rgyud las rtsa sum cu rtsa gnyis bshad pa la sogs pa 'di kun sgrub pa pos lam du khyer na ci tsugs byed gsungs nas gdams ngag gi gnad kyis 'drir byung ba la lan ma thebs pas/ gdams ngag zab mo yod par 'dug snyam nas shin tu thugs ches gsungs/ de nas dbang dang gdams ngag zhus te/ sngon 'gro'i khrid tshar nas nangs par gsungs ngag gsung pa'i nub mo rje'i ljags skrangs te bsnyungs nas/ chos gsan pa ma byung bas/ rje'i zhal nas 'o skol gnyis kyi bar na dam tshig gi nyes pa zhig yod par 'dug pas maNDal phul la yi ge brgya pa zlos shig gsungs pas/ gzhan 'ong sa med/ khar seng gdams ngag med pa rang yin nam snyam pa cig byung ba de yin nam snyam ste/ de la dmigs te maNDal phul/ yi ge brgya pa mang du bgrangs pas phan gsungs/ de nas chos gsungs pa'i dus su dka' ba'i gnas 'ga' zhig la/ phyag la rdo rje'i rtse mos zin bris byas pas/ rje'i zhal nas de tsugs ma mdzad/ rje'i thugs dam la gnod pa lags gsungs nas ma gnang / man ngag kyang khad kyis gnang ba lags/ jo mos khong la gdams ngag myur du byin mdzod zhus pas/ khong thugs zab pas ci zer/ gdams ngag zab mo la khyi dang glo ba 'phrad pa bzhin ci thod thod du gtang ngam gsungs nas rim gyis gnang / der dbyar dgun bzhi lhag tsam bzhugs te gdams ngag zhus pas/ bla ma dkon