[A:65]bo gcig la mgrin pa man chad thig le brtan pa'i rtags shar ba zhig mthong nas/ su'i slob ma yin byas pas/ sa skya pa'i slob ma yin zer/ bla chen dang gang du mjal byas pas/ bla ma sa skya pa chen po mtshar khar bzhugs tsa na khrid lo gsum bskyangs zer/ bgres po kun la bla chen mtshar khar nam byon dris pas/ gung thang yan chod la byon pa ye med zer/ de lta bu'i sgom chen sum cu tsam re la khrid bskyangs pa dang / sa skyar bzhugs nas lam 'bras gsung zhing sku'i bkod pa mdzad pa/ gung thang du mal gyi nye gnas mdzad nas dril bu pa'i chos skor zhus pa/ 'bring mtshams su mgron la byams kyi lha khang du nam mkha' dri med kyi dkyil 'khor bzhengs nas rab gnas mdzad pa/ bzang sdong 'brog pa'i gseb tu gsung ngag gsungs pa/ shab sgo lngar chos 'khor bskor ba rnams lo zla tshes grangs gcig par 'dug pa la/ phyis sku gshegs nas slob ma bgres po rnams gsung gleng mdzad pa ma gtogs sus kyang rtogs pa mi 'dug skad/ de ni dus gcig la sku'i bkod pa drug bstan pa yin par grags skad/ de lta bu'i bla ma 'di ni phar phyin drug dang ldan zhing rim gnyis zab mo skad cig kyang rgyun mi 'chad pa'i ngang nas bsdu ba bzhis gzhan don lo drug cu rtsa bdun gyi bar du mdzad nas/ stag gi lo tha skar zla ba'i dkar phyogs kyi bcu bzhi'i tshe dpa' bo rnal 'byor ma'i tshogs kyis bsus ste skye bo thams cad kyi mthun snang du grub par rol mo'i sgra dang / dri zhim po'i tshogs dang / 'ja' tshon gyi 'od kyis gang bar byas nas sku'i bkod pa bzhir bstan te gcig ni bde ba can/ gnyis pa ni po ta la/ gsum pa ni u rgyan/ bzhi pa ni byang phyogs kyi 'jig rten gyi khams gser mdog can du gshegs zhes spyan snga na gnas pa phal che bas gsal bar rtogs pa yin no/ /spur